Genesis 4:3 - Keley-i Bible (Antipolo Ifugao)

³ Hakey ni aggew ey immiappit hi Kain nan Apu Dios ni ineni tu.

Genesis 4:3 Referans Kwoze

Numbers 18:12

Iddawat ku mewan ni hi-gayu hu kekakkayyaggudan ni mansikan olibah, yadda memengngulun ennien da niyadda memengngulun lameh ni intanem da.

1 Kings 17:7

Entannit hakey ni aggew ey natduk humman ni wangwang tep endi udan.

Nehemiah 13:6

Endi-ak di Jerusalem ni nunman, tep nambangngaddak di Babilon eman ni meikkatelumpulu et dewwan toon ni nampatulan Artaserses diman. Nem entanni kuma ey inebulut tun mambangngaddak di deya Jerusalem.

Jude 1:11

Anggehemmek ida tep daka u-unnuda elaw nan Cain ni nunman e pintey tu agitu. Henidda la hi Balaam, tep daka u-unnuda elaw ni beken ni makulug tep ya pihhuh hu daka gagamgami. Henidda la mewan nan Korah e kinehing tu hi Moses et kastiguen nan Apu Dios. Et mukun kastiguen idalli daman Apu Dios.

Genesis 4:2

Entanni ey newada hu neikadwan u-ungnga tu e hi Abel hu ngadan tu. Ya ngunu tun neettengan tu ey mampattul ni kalneroh. Hi Kain ey mampeyyew hu ngunu tu.

Genesis 4:4

Hi Abel ey illa tudda hu kekakkayyaggudan ni parteh idan nemangulun impah ni kalneroh tu et iappit tu. Immamleng hi Apu Dios nunman ni impahding Abel et abuluten tu humman ni in-appit tu.