Genesis 36:2 - Keley-i Bible (Antipolo Ifugao)

² Inahwa tudda tellun biin iKanaan. Hi Adah hu hakey e u-ungngan Elon e Hittite. Ya meikkadwa ey hi Oholibamah e u-ungngan Anah niya inap-apun Sibeon e Hibite.

Genesis 36:2 Referans Kwoze

Genesis 36:25

Yadda u-ungngan Anah ey hi Dishon et hi Oholibamah e bii. Yadda u-ungngan Dishon ey hi Hemdan, hi Esban, hi Itran et hi Keran.

Genesis 28:9

Et lumaw hi Esau di bebley nan pengemmaan tu e hi Ismael et ahwaen tu hi Mahalat e agin Nebayot e u-ungngan Ismael e u-ungngan Abraham.

Genesis 27:46

Hakey ni aggew ey kan Rebekah nan Isaac ey “Impeinglay ku eyadda Hittite ni ahwan Esau. Heballi ew metteyyak hedin mengahwa dama hi Jacob ni biin Hittite.”

Genesis 36:3

Et ya meikkatlu ey hi Basemat e agin Nebayot e u-ungngaddan Ismael.

Genesis 36:14

Yadda u-ungngad Esau nan Oholibamah e u-ungngan Anah niya inap-apun Sibeon ey hi Jeus, hi Jalam et hi Korah.

Genesis 36:24

Hi Sibeon ey wadadda dewwan u-ungnga tu e di Aiah nan Anah. Huyyan hi Anah hu nenamak etan ni kaman-utbul ni maetung ni danum ni tu nengipattulan idan kebayyun ametud endi bebley.