Genesis 34:1 - Keley-i Bible (Antipolo Ifugao)

¹ Hakey ni aggew ey limmaw hi Dinah e u-ungngad Jacob nan Leah ni an nekia-ayyam idan edum ni biidman ni bebley.

Genesis 34:1 Referans Kwoze

Genesis 30:21

Entanni ey nambutsug mewan et man-ungnga ey bii et ngadanan tun hi Dinah.

Jeremiah 2:36

Nampebaddang kayuddan iAssyria ni nunman ey yan nunya ey yuka nemnemnema e baddangan dakeyun iEgypt. Nem dismayahen dakeyulli mewan henin impahding idan iAssyria.

1 Timothy 5:13

Hakey pay ey entanniy umhigadda et pelinlinwannan dan mekiyenuyyuddung di kabelebeley et ya tumbuk kumedek hu pehpehding da, ey anin endi kelebbengan da et mekibibbiyang ida niya linggeman ni endi silbitu hu ennungbalen da.

Genesis 46:15

Huyyadda u-ungngan Jacob nan Leah eman ni wadaddad Mesopotamya, nem eleg mei-dum etan u-ungnga dan biin hi Dinah. Telumpulut tellu hu bilang dan emin.

Genesis 30:13

Et ngadanan Leah ni Asher tep kantuy “Nakka man-am-amleng ni peteg! E-helen idallin edum ni bii e nakka man-am-amleng.”

Genesis 28:6

Neamtaan nan Esau e binendisyonan ametu hi Jacob et han tu palaw di Mesopotamia ma-lat yadman hu pengahwaan tu et beken hu iKanaan ni i-ahwa tu. Niya inamta tu e inu-unnud Jacob di ametun inetu et lumaw di Mesopotamia. Et awatan tu law e eleg pinhed ametu hu bibi-in iKanaan.

Genesis 27:46

Hakey ni aggew ey kan Rebekah nan Isaac ey “Impeinglay ku eyadda Hittite ni ahwan Esau. Heballi ew metteyyak hedin mengahwa dama hi Jacob ni biin Hittite.”

Genesis 26:34

Yan na-pat hu toon nan Esau, ey inahwa tu dewwan biin Hittite e hi Judith e u-ungngan Beeri et hi Basemat e u-ungngan Elon.

Titus 2:5

kekkennengen da annel da, ya kayyaggud ni ebuh hu wadad nemnem da, ippaptek da pamilyah da, niya u-unnuden da hu ahwa da ma-lat endi umhulun ni pemihhulan ni tuun tuttuddun Apu Dios.

Genesis 33:20

Et ngadnan tun El Elohe e ya keibbellinan tu, Apu Dios ni kadeyyawan Israel.