Genesis 31:16 - Keley-i Bible (Antipolo Ifugao)

¹⁶ Emin hu kinedangyan amemin heni inlan Apu Dios et idwat tun hi-gam ey hi-gatsuddan emin eyan u-ungnga hu lebbengtun keidwatan tu. Et humman hu, u-unnud mu etan inhel Apu Dios ni pehding mu.”

Genesis 31:16 Referans Kwoze

Psalms 45:10

Hi-gam ni biin ahwaen ni patul, dengel mu et ehelen kun hi-gam e mahapul ni beken law ni yadda ammed mu niyadda agim hu mu nenemnemen.

Genesis 30:35

Nem yan nunman ni aggew ey limmaw hi Laban et tu appilen ida etan nangkebatekan ni kalneroh niya gelding niyadda andeket ni impah ni kalneroh et pepaptek tuddan u-ungnga tu.

Genesis 31:15

tep ya tuka pehding ni hi-gami ey heni kami hansinu-wan. Inggatang dakemi et umahen tun emin hu nanggatngan tu.

Genesis 31:17

Et hakey ni aggew e limmaw hi Laban ni an memu-lit ni dutdut ni kalneroh tu, ey indaddan nan Jacob ni emin hu mahapul dan pambangngadan dad Kanaan e bebley ametu. Nan-itakkay tudda u-ungnga tu niyadda etan ahwatud kamel, et delunen dadda animal da et manglaw ida e impeki-la dan emin hu wadan hi-gadan limmu dan nanha-adan dad Paddan Aram di Mesopotamia. Et gapu tep endi hi ameda ey imbesik nan Rachel hu tuttu-un ametu. Yan nunman ni linawwan da ey eleg peamtan Jacob nan Laban. Impapuut dan limmaw et man-agwat idad Wangwang e Euphrates et mampalaw idad nangkedunduntug di Gilead.

Genesis 32:14

Inappil tu hu dewanggatut ni labah ni gelding niya dewampulun lakki tu, ya dewanggatut ni labah ni kalneroh niya dewampulun lakki tu,