Genesis 30:2 - Keley-i Bible (Antipolo Ifugao)

² Bimmunget hi Jacob et kantuy “Kaw hi-gak hi Apu Dios? Hi-gatun ebuh hu dammutun mengi-ebbulut ni mewedda u-ungngam, beken nak.”

Genesis 30:2 Referans Kwoze

Genesis 16:2

Et kantun Abram ey “Anin ew ni iulig mu eya bega-en ku tep ay eleg i-abulut Apu Dios ni nak man-ungnga, et yalli u-ungnga yu hu pan-ungngak.” Ey inebulut Abram. Neipahding huyya eman ni nelabah hu hampulun toon ni nanha-adan dad Kanaan.

Psalms 127:3

Yadda u-ungnga ey hi-gada bendisyon ni indawat Apu Dios.

2 Kings 5:7

Binidbid etan ni patul ni Israel humman ni tudek ey bini-ki tu balwasi tu et kantuy “Kaw hi-gak hi Apu Dios? Kaw mabalin ni umpateyyak ey sineguk mewan? Kele an um-itu-dak ni kamandedgeh ni leprosy ma-lat ekalen ku? Tam kamenemmahemmak ni umgapuh ma-lat gubaten daitsu mewan!”

1 Samuel 1:5

Nem hedin ya tuka iddawat ni patal Hannah man dewwa tep nakappinhed tu, anin ni endi u-ungnga tu tep impambalin Apu Dios ni nebasi.

Genesis 50:19

Nem kan Joseph ey “Entan takut yun hi-gak tep bekennak ni Dios ni menuwes niya mengastigun tuu.

Ephesians 4:26

Hedin wada binungetan yu, ang-ang yu et beken humman ni umhulun ni panliwwatan yu. Entan tu pangpanglaw hu bunget yu,

Mark 3:5

Peteg bunget Jesus ni tuka penang-ang-angiddan etan ni neamung niya makaggeh nemnem tu. Tep neihla nemnem da niya manghay ida e eleg da pinhed ni ebbuluten hu kameituttuddun meippanggep nan Apu Dios. Et kan Jesus etan ni negikuy ey “Ukyad mu ngamay mu.” Inukyad tu ngamay tu ey kayyaggud law.

Matthew 5:22

Nem e-helen kun hi-gayun nunya e beken law ni ebuh hu kaumpatey ni mekastigu, nem anin ya etan tuun anggebe-hel tu edum tun tuu ey mahapul ni mekastigu. Ya tuun mapihul ni edum tun tuu ey mahapul ni mekastigu, ey ya tuun iddutan tu edum tun tuu ey kastiguen nan Apu Dios di apuy.

Psalms 113:9

Tuka weddaa hu u-ungngan nebasin bii ma-lat man-an-anlad baley da. Daydayaw tayu hi Apu Dios!

Exodus 32:19

Yan kamangkeihnup di Moses di kampu da etan di hengeg ni duntug, ey inang-ang tu etan balituk ni bakan kinapya da e daka itattayyawi, ey nemahhig hu bunget tu et itengba tu etan dewwan batun singnged tu et mepeni-ang ida.

Genesis 31:36

bumunget law hi Jacob et kantuy “Hipa bahul kun hi-gam? Kele muwak ali nampedug e heni kaka memdug ni nambahul et mu pambelukitkiten ni emin hu kalga mi. Paukat mu hedin wada himmak mun sinekew ku et ang-angen idan edum mu niyadda edum ku et iuh-uh da hedin hipan hi-gatan dewwa hu neiptek.

Genesis 29:31

Yan nenang-angan Apu Dios e pinpinhed nan Jacob hi Rachel nem hi Leah ey in-abulut tun mambutsug hi Leah. Nem eleg tu iebulut ni mewedda u-ungngan Rachel.

Genesis 25:21

Dimmasadasal hi Isaac nan Apu Dios tep eleg pakeungnga hi Rebekah. Entanniy dingngel Apu Dios hu dasal tu et mambutsug hi Rebekah.

Genesis 20:18

Tep impambalin Apu Dios ni nebasi emin biidman e humman kastigun Abimelek ni tu nengal-an Sarah e ahwan Abraham.

Luke 1:42

et eleten tu ehel tu e kantun Maria ey “Endi edum ni negahat ni biin henin hi-gam, tep binendisyonan dakan Apu Dios et ya etan i-ungngam ali.