Genesis 29:11 - Keley-i Bible (Antipolo Ifugao)

^11-12 Et kan tun Rachel ey “Hi-gak hu u-ungngan Rebekah e agin amam.” Et akwalen tu hi Rachel ey kamannengngih ni amleng tu. Et mambesik hi Rachel di baley da et tu ehlen nan ametu.

Genesis 29:11 Referans Kwoze

Genesis 33:4

Nambesik hi Esau ni an nenammun Jacob et akwalen tu ey ida kamannengngih ni dewwa.

Genesis 45:2

Nemahhig nangih tu et dengelen idan iEgypt et da peamta etan ni patul.

Genesis 43:30

Entanni ey eleg han-isipel nan Joseph hu nangih tun nenang-angan tun agi tu et papuut tun umhep et lumaw di kuwaltuh tu et an mannannangngih diman.

Romans 16:16

Hedin meemmung kayun mandeyyaw nan Apu Dios, ey peang-ang yu hu yuka pan-impipinhedi. Emin ida kamengullug di deyan kameemmuemmung ni kamandaydayaw nan Jesus Christo, ey kanday dakeyu kanenemnema.

Exodus 4:27

Hi Apu Dios ey inhel tu lan Aaron e tu dammuen di Moses etan di eleg mebebleyi. Et lumaw hi Aaron et tu dammuen hi Moses et akwalen tu.

Genesis 29:13

Dingngel Laban e wada etan pengungngaan tu ey impapuut tu et tu dammuen. Inakwal tu et ikuyug tud baley da. Et e-ehhelen nan Jacob emin hu neipahding.

Genesis 27:26

Kan ametu hi Isaac ni hi-gatuy “Keihnup ka et akwalen muwak e u-ungngak.”

Exodus 18:7

Ida kamenetteng ey an dinammun Moses et manyuung et akwalen tu. Et ikuyug Moses idad kampu tu.

Genesis 29:10

Inang-ang Jacob hi Rachel e u-ungngan pengemmaan tu niyadda etan kalneroh ametu ey limmaw et tu ekalen etan batun neihu-let di hibuy et painuman tudda etan kalneroh nan pengemmaan tu.