Genesis 23:16 - Keley-i Bible (Antipolo Ifugao)

¹⁶ Inebulut Abraham et ipadngel tuddan Hittite ni binilang hu epat ni gatut ni palatah ni bayad etan ni puyek e in-ingngeh tud kapengigtang idan kamampanggettang.

Genesis 23:16 Referans Kwoze

Sekariah 11:12

Et kangkun hi-gaday “Hedin pinhed yu, ey idwat yu sinangdan ku. Anin ni ngenamung hu kanyun penangdan yun hi-gak. Nem hedin eleg yu pinhed ni iddawat, man anin ditan ew katteg.” Ey indawat da hu telumpulun palatah ni silber ni tangdan ku.

Jeremiah 32:9

Gintang ku humman ni payew Hanamel e binilang ku bayad tu et idwat kun hi-gatu. Ya bayad nunman ni payew ey hampulut pitun silber.

1 Thessalonians 4:6

Inhel mi la mewan ni hi-gayu e lawah hedin yu he-uhe-ulen ida edum yu et yu pan-a-ayyaman hu ahwa da, tep nemahhig pengastigun Apu Dios idan henin nunman ni tuu.

Philippians 4:8

Kaegiegi, ya mangillig ni e-helen kun hi-gayu, ey nemnem yudda etan kayyaggud, ya neiptek, ya limpiyuh, ya keiddeyyawan niya ketbalan di kayyaggud, et humman ida pehding yu.

Romans 13:8

Hedin wada utang yu, ey bayadi yu, ma-lat endi yu nemnemnemen. Nem wada hakey ni mahapul ni eleg tayu lilliwwanan kenayun ni heni utang tayu, e mahapul ni man-impipinhed itsun emin. Tep ya tuun pinheden tu edum tun tuu, ey inu-unnud tun emin hu Tugun Apu Dios.

Matthew 7:12

Ya pinhed yun ippahding ni tuun hi-gayu ey humman et dama ipahding yun hi-gada. Huyya keibbellinan ni tugun Moses et ya intuttuddu ida lan prophet ni nunman.

Ezekiel 45:12

Ya meunnud ni panlelkud yun bel-at ey ya shekel. Ya hakey ni shekel ey nan-ingngeh ni dewampulun gerah niya ya na-nem ni shekel ey nan-ingngeh ni hakey ni minah.

Job 28:15

Eleg megettang anin ni balituk winu silber hu pemeyyad.

Exodus 30:13

Ya ibbayad ni hakey ni tuu ey meippuun di kameunnud ni olden meippanggep ni Tabernacle. Humman ni pihhuh ey i-appit dan hi-gak.

Genesis 43:21

Immali kami mewan ni umgatang ni i-anemut mi. Nem yan eman ni laputun gintangan mi et umenamut kami ey inang-ang mi e nei-peng di langgusih mi etan pihhuh ni imbayad mi. Ey eleg mi amta hedin hipa nengiha-ad diman. Et humman hu, adyah e impeki-la mi ma-lat ibangngad mi.”

Acts 7:16

Emin ida ey neikulung idad Shechem e gungat ni gintang eman ni ammed tayu e hi Abraham idan helag Hamor.

Genesis 49:29

Entanni ey kan mewan Jacob ni hi-gaday “Nakka giggibbeka ey ngannganih hu ketteyyan ku et nak mei-dum idan aammed kun nangketey. Ey ya pinhed kun pengikkullungan yun hi-gak ey yad bebley tayud Kanaan etan di leyang di Makpelah e demang ni Mamle. Humman ey gintang eman lan hi apu e hi Abraham nan Eplon e Hittite et pambalin tun gungat tayu.

Genesis 50:13

e da ingkulung di Kanaan etan di leyang di Makpelah e neihnup di Mamre, e humman etan payew ni gintang Abraham etan ni Hittite e hi Eplon, et pambalin tun gungat idan pamilyah tu.

2 Samuel 14:26

Ya bewek tu ey mahdel niya sinnoon hu tuka pampepu-lisi, ey hangkilo et gedwa hu bel-at tu.

Jeremiah 32:10

Pinilmaak etan papil ni neitudekan ni gatang nunman ni payew et hannak pepilmaddan tistigu et bilangen ku mewan etan silber ni bayad tu.

2 Samuel 24:24

Nem himmumang hi David et kantuy “Eleg! Mahapul ni beyyadan kudda. Tep eggak i-appit nan Apu Dios hu eggak beyyadi.” Et gatngen David humman ni illikkan niyadda etan baka ni neliman palatah.