Genesis 2:22 - Keley-i Bible (Antipolo Ifugao)

²² Kinapya tun bii humman ni tu-ngal ni taglang et ilaw tud kad-an etan ni laki.

Genesis 2:22 Referans Kwoze

1 Timothy 2:13

Tep yan nanletuan Apu Dios ni tuu ey nebukul hu lakin lintu tu e hi Adam, et han hi Eva.

Hebrews 13:4

Emin kayu ey mahapul ni ikkahhakey yu impeminhed yun ahwa yu. Entan tu iulig hu beken yun ahwa niya entan tu ipahding hu linggeman ni anggeba-ing, tep makulug ni kastiguen Apu Dios ida kamengippahding ni nunya.

Proverbs 19:14

Dammutun beltanen di a-ammed hu baley ey kinedangyan. Nem ya kamengidwat ni lakin nenemneman ni biin ahwaen tu ey hi Apu Dios.

Proverbs 18:22

Hedin nelahin hu laki man kamei-ellig etan ahwa tud nebalol ni tenged. Ey humman ni ahwatu imbendisyon Apu Dios ni hi-gatu.

Genesis 2:19

Hi Apu Dios ey lintu tu dedan la hu nambakbaklang ni animal niya sisit e puyek hu naltuan da. Humman idan lintu tu ey tu impeang-ang etan ni laki ma-lat ngadanan tudda. Et emin hu hipan impangngadan tun hanhakkey ni hi-gada ey humman ngadan da. Nem emin ida humman ey endi dayutun pangkadwa tun umbaddang ni hi-gatu.

Psalms 127:1

Hedin eleg umbaddang hi Apu Dios ni memehwat ni hakey ni baley, ey endi silbin nea-atuan ni nengapya. Hanniman dama hu bebley e hedin eleg ippaptek nan Apu Dios, ey endi silbi tun an pengugguwalyaan ni nunman ni bebley.