Genesis 19:7 - Keley-i Bible (Antipolo Ifugao)

⁷ Kantun hi-gada ey “Hi-gayuddan kaegiegi, entan anhan tu ipahding huttan ni lawah.

Genesis 19:7 Referans Kwoze

Jude 1:7

Ey entan tu liwwan hu neipahding di Sodom niyad Gomorrah, niyadda etan kebebbebley di nanlinikweh diman e kinastiguddan Apu Dios tep nabngang ida katuutuud man, et legaben tu humman idan bebley. Huyya kastigu da tep nemahhig liwat dan henin nanliwtan idan anghel, tep imminam ni hi-gada hu lellelgemen hu uliulig ni tuu e eleg da u-unnuda hu tugun Apu Dios ni pan-ahwaan e pakkaw ya laki niya bii hu man-ahwa. Nem ay yadda lakidman ey ya edum dan laki daka adduma henin pan-ahwa da. Huyyan nanlegaban nan Apu Dios ni bebley di Sodom niyad Gomorrah hu kei-ingngehan ni kastiguddan tuun manliwwat.

Romans 1:24

Et iwalleng law Apu Dios ida et yadda law etan lawah ni pinpinhed da hu daka pehpehding. Et mukun ya kaumbebngang niyadda anggeba-ing hu daka pehpehding di annel da, niyad annel ni edum da.

Acts 17:26

Hi-gatu nanletun nemangulun tuun nahlagan ni emin ni tuud puyek. Simpeng tu biyag ni tuud puyek niya attu panha-adan da.

Judges 19:23

Immehep etan nea-amma et kantun hi-gaday “Agik ida, entan anhan tu ipahding hu lawah. Anggeba-ing ni peteg huttan ni yu pehding eyan mangilik.

Deuteronomy 23:17

Endin hi-gayun helag Israel hu mambalin ni tu pebeyyad annel tud tempol idan beken ni makulug ni dios.

Leviticus 20:13

Ya kastigun lakin in-ulig tu hakey ni laki ey ya katey. Henin nunman dama kastigu etan ni in-ulig tu. Lawah ni peteg humman ni impahding da, et humman hu, hi-gada ngu kambahul ni ketteyyan da.

Leviticus 18:22

Eleg mabalin ni i-ulig ni laki hu edum tun laki, tep lawah ni peteg humman.

Genesis 19:4

Eleg ida pay maugip humman idan mangilin Lot ey hinelikub idan emin ni lalakkidman, yadda kamenikken niyadda nangkea-amma, hu baley Lot.

Genesis 19:6

Immehep hi Lot et ilekbi tu et an makiungbal idan etan ni edum tun bimmebley.

Genesis 19:8

Anin ew katteg ni yadda etan dewwan u-ungngak ni biin eleg ni mengahwa hu pe-hep ku et hi-gada pengippahdingan yun pinhed yu. Et beken ni yadda etan mangilik tep wadadda eyad baley ku et mahapul ni ippaptek kudda.”

Judges 9:26

Yan nunman ni tsimpuh ey wada hi Gaal e u-ungngan Ebed ni limmaw di Sekem, et an makibebley diman e ingkuyug tudda agi tu. Entanniy nekapya dinel idan tuun hi-gatu.