Genesis 18:20 - Keley-i Bible (Antipolo Ifugao)

²⁰ Et kan Apu Dios nan Abraham ey “Dingngel ku e yadda tuud Sodom niyad Gomora ey lawah ni peteg hu daka pehpehding.

Genesis 18:20 Referans Kwoze

Genesis 19:13

tep bahbahen mi huyyan bebley. Inamtan Apu Dios e nemahhig hu kalinawah idan tuudya et itu-dak dakemin memahbah eyan bebley.”

Isaiah 3:9

Kameka-ang-ang di angah da e nambahul ida. Daka peang-ang-ang hu lawah ni daka pehpehding e henidda laddan iSodom. Ey endin hekey baing da. Nanna-ud ni anggehemmek ali meippahding ni hi-gada, nem bahul da ngu hu kekastiguan da.

Genesis 13:13

Yadda tutu-udman ey lawah ida niya nemahhig hu liwat dan Apu Dios.

Genesis 4:10

Kan Apu Dios ni hi-gatuy “Hipa impahding mu? Inang-ang ku hu kuheyaw nan agim di puyek et mahapul ni ibbaleh ku.

James 5:4

Inamtan Apu Dios e ya ingkedangyan yu ey yadda etan eleg yu idwat ni tangdan idan impangngunu yud payew yu. Et deh e ida kamampehemmehemmek nan Apu Dios e Kabaelan tun emin. Dingngel tu hu daka pampehemmehemmeki et nanna-ud ni baddangan tudda.

Jeremiah 14:7

Lektattuy mampehemmehemmek ida tutu-uk et kanday “Em, mika ebbuluta e inwalleng daka ey nanliwat kamin hi-gam. Nem hemek dakemi anhan e Apu Dios et baddangan dakemi tep humman hu hinammad mun inhel ni hi-gami.

Isaiah 5:7

Huyyan a-appeh ku ey meippanggep idan iIsrael niyadda iJudah e tutu-un Apu Dios e Kabaelan tun emin. Hi-gada neidingpatan idan grapes ni inyayyaggud tun intanem. Impandidinel tun kayyaggud pehding da, nem beken kumedek tep ya papatey impenahding da. Ey impandidinel tu e meandeng pehding da, nem beken tep tu kumedek kadengngedengngela hu kapampehemmehemmekiddan daka panhelheltap ni edum da.

Genesis 19:4

Eleg ida pay maugip humman idan mangilin Lot ey hinelikub idan emin ni lalakkidman, yadda kamenikken niyadda nangkea-amma, hu baley Lot.

Jeremiah 23:14

Nem nema-ma-ma hu kalinawah idan prophet di Jerusalem. Tep daka i-ulig hu beken da ahwa ey maitek ida. Da pay katuttuddui hu tutu-un mengippahding ni lawah et humman gaputun eleg mepappeg kalwah da. Ya nakka penang-ang ni hi-gada ey henidda damengu eman idan lawah ni tutu-ud Sodom niyad Gomorrah.

Ezekiel 16:46

Ya etan agim hi Samaria e pengulwan et yadda u-ungnga tu ey immen idad appit ni north. Hi agim iSodom e neihayned ni hi-gam et yadda u-ungnga tu ey immen idad appit ni south.

Joel 3:13

Lawah ida e ebuh! Keyuy et pampalngen yudda tep nedatngan law hu aggew ni kekastiguan da. Panhegpat yudda henin kapanggeppasin pagey ni ahiani niya pan-ideyapdap yudda et henin grapes ni napnud keppallan.”

Jonah 1:2

Kantuy “Lakkay di Nineveh, e et-eteng ni bebley, et mu peamtaddan tuudman e kastiguen kudda, tep inamtak e nekalliwtan ida.”

Genesis 6:12

Kaang-ang-angan Apu Dios ey lawah eya puyek ni pambebleyan tep lawah idan emin hu tutu-u.