Genesis 18:2 - Keley-i Bible (Antipolo Ifugao)

² In-ang-ang tu, ey wada tellun lakin kaman-eh-ehneng et lumaw et manyuung ni panlispituh tun hi-gada.

Genesis 18:2 Referans Kwoze

Hebrews 13:2

Hedin wada dimmutuk di baley yu, ey apnga yudda, anin ni eleg yudda amta. Tep wadadda edum ni hanneya impahding da ey ida umkukumna ey anghel ida gayam humman ni mangili da.

Genesis 18:22

Yadda etan dewwan laki ey intuluy dan limmaw di Sodom. Nem ya etan katlu da e hi Apu Dios ey nanha-ad ni nekemtang et mekihummangan nan Abraham.

Genesis 19:1

Kamangkehilleng ni nunman ey dimmateng ida humman ni dewwan anghel di Sodom. Hi Lot e kamanyuyyuddung etan di eheb nunman ni bebley ey inang-ang tudda et tu dammuen ida et nanyuung ni nanlispituh tun hi-gada.

Judges 13:3

Entanniy nampeang-ang hu angel Apu Dios nan ahwan tu et kantuy “Nebasi ka et eleg ka pakeungnga, nem meweddaan kalli et man-ungnga kallin laki.

Genesis 23:7

Ey nanyuung hi Abraham di hinangga dan emin et kantuy

Joshua 5:13

Entanniy kamenglaw hi Joshua di Jericho ey tu i-ang-ang ey wada hu tuun immehneng di hinangga tu e singnged tu ispadah et kan Joshua ni hi-gatuy “Kaw hi-gam hu hakey ida etan ni sindaluk winu buhul daka?”

Genesis 44:14

Dimmateng idad baley Joseph ey immen diman et manyuung idan hi-gatu.

Genesis 43:28

Himmumang ida ey kanday “Em apu, nanengtun mategu hi amemi.” Et manyuung ida mewan ni hi-gatu.

Genesis 43:26

Immanemut hi Joseph et idwat da etan inla dallid bebley dan iddawat dan hi-gatu et manyuung idan panlispituh dan hi-gatu.

Genesis 18:16

Negibbuh humman ni nan-ungbalan da et han ida lumaw di lawwan da. Nekilaw hi Abraham ni hi-gada ingganah etan di kameuhdungi hu Sodom.

Ruth 2:10

Nanyuung hi Ruth di hinanggan Boaz ni panlispituh tu et kantuy “Eteng hu amleng ku tep kabbabbal kan hi-gak anin ni nalpu-ak di edum ni bebley.”

1 Peter 4:9

Entan tu ihingal hu edum yun tuun kaumdutuk di baley yu.

Romans 12:13

Hedin wada mahapul ni edum yun kamengullug, baddangi yudda. Ey apnga yudda kamanda-guh di baley yu, entan tudda ihingal.

2 Kings 2:15

Yan nenang-angan idan neliman prophet ni nalpud Jericho ni nunman ni neipahding ey kanday “Wada law nan Elisha hu et-eteng ni kabaelan nan Elijah!” Da dinammu et manyuung idan hi-gatu.

Genesis 17:3

Et manyuung hi Abram ni nanlispituh tun hi-gatu. Kan Apu Dios ni hi-gatu ey

Genesis 18:3

Et kantuy “Apuk ida, hedin kayyaggud yuka pannemnem ni hi-gak, panda-guh kayu ni anhan et man-iyyatu kayu eyad hengeg ni keyew et nak ali umlan danum ni pengullah yun heli yu.

Genesis 24:63

Yan nunman ni mahmahdem ey an nandaddallan hi Isaac ey inang-ang tudda kamel ni iyyalli.

Genesis 23:12

Nanyuung mewan hi Abraham di hinanggaddan Hittite.

Genesis 42:6

Hi Joseph e gobernor di Egypt hu kagettangiddan tutu-un kennen. Et mukun yad kad-an tu hu linawwan ida agitu et manyuung idad hinangga tun pengippeang-ang dan lispituh dan hi-gatu.

Genesis 48:12

Impakiwang Joseph ida etan u-ungnga tu et manyuung nan ametu.