Genesis 17:23 - Keley-i Bible (Antipolo Ifugao)

²³ Yan nunman ni aggew ey inu-unnud nan Abraham hu inhel Apu Dios et kugiten tu hi Ismael e u-ungnga tu, yadda lalakkin kamanha-ad di baley tu niyadda lalakkin u-ungngaddan himbut tu.

Genesis 17:23 Referans Kwoze

Proverbs 27:1

Entan tu ipahhiya hu ninemnem mun pehding ni kabbuhhan winu yan edum ni aggew, tep eleg mu amta hedin hipa meippahding ni hi-gam ni kabbuhhan winu yan edum ni aggew.

Ecclesiastes 9:10

Anin ni hipa humman ni ingngunum et iyayyaggud mun mengingngunnu, tep endi law hu ngunu, ya planuh, ya adal niya laing etan di bebley ni netey ni lawwam.

Psalms 119:60

Em, eggak a-ayyapawa, nem pepu-ut kun mengu-unnud idan nunman ni tugun mu.

Genesis 34:24

Et abuluten idan tuu et mampakugit idan emin hu lalakkidman.

Genesis 18:19

Hi-gatu pinilik ni menuggun idan helag tun mengu-unnud ni hi-gak niya mengippahding ni kayyaggud niya limpiyuh ma-lat ipahding kullin emin hu insapatah kun hi-gada.”

Galatians 6:15

Beken ni importanteh hedin pekuggit itsu winu eleg, nem ya importanteh ey ya nemaliwan Apu Dios ni nemnem tayu.

Galatians 5:6

Tep hedin hi-gatsun kamengullug nan Jesus Christo ey beken ni ya kekuggitan tayu winu ya eleg tayu kekuggisi hu importanteh, nem ya tayu kapengullug e kameang-ang di impeminhed tayun edum tayun tuu.

Acts 16:3

Pinhed Paul ni ikkuyug ni an mantuttuddu et pakugit tu, tep inamtaddan Jews diman e eleg makugit tep Greek hi ametu.

Genesis 14:14

Yan nangngelan nan Abram e impeki-laddan etan ni epat ni patul hi Lot, e pengungngaan tu, ey inemung tudda tuu tun dammutun mekiggubbat, e telunggatut et hampulut walu idan emin, et unuden dadda ingganah di Dan.

Genesis 17:9

Mahapul ni mampekuggit ka, anin idan helag mu, ma-lat kei-ang-angan tu e pannananeng yu eya nekitbalan kun hi-gayu. Et humman hu, meippalpun nunya ey emin hu lakin helag mu, ey mahapul ni mekuggit idan meikkewwalun aggew ni neiungngaan da, anin idan i-ungngan bega-en yud baley yu niyadda himbut yun melpud edum ni bebley. Humman ni kekuggitan yu hu kei-ang-angan tu e mengmenglaw alin ingganah hu nekitbalan kun hi-gayu.