Genesis 15:16 - Keley-i Bible (Antipolo Ifugao)

¹⁶ Yadalli meikka-pat ni helag mu hu mambangngad eyad bebley. Yan nunman ali ey ihhi-met idan Amorite hu kalinawah da et kastiguen kudda.”

Genesis 15:16 Referans Kwoze

1 Kings 21:26

Impenahding tu hu anggeba-ing ni peteg, tep dinaydayaw tu hu dios ni kinapyan tuu e humman kadaydayawaddalan iAmmon. Huyyaddan iAmmon hu dinegyun Apu Dios ni nalpuan idan helag Israel di Egypt.)

Daniel 8:23

Yallin ngannganih ni kepappegan idan nunman e kapan-ap-apui, tep ya nemahhig ni lawah ni daka pehpehding, ey wadalli hu meihhullul ni mampatul ni makabbunget niya nekattalam.

1 Thessalonians 2:16

Anin ni mi pantuttudduan ni ehel Apu Dios idan Gentiles ma-lat mehelakniban ida niya daka ippahding emin hu kabaelan dan mengippesikked ni hi-gami, et mukun nemahhig bunget Apu Dios ni hi-gada, tep nemahhig humman ni liwat da.

Exodus 12:40

Ya bilang ni toon ni nekibebleyan idan helag Israel di Egypt neipalpu eman ni linawwan dadman ingganah ni nunyan peni-yanan da ey epat ni gatut et telumpulun toon.

Genesis 15:13

Ey immehel hi Apu Dios e kantun Abram ey “Yallin edum ni aggew ey mekibbebley idalli helag mud edum ni bebley. Mambalin idallin himbut diman ni epat ni gatut ni toon et panhelheltapen daddalli.

Leviticus 18:24

Entan tu ipahding ida huyya, tep meibbillang kayun beken ni malinih. Humman impenahding idan tuun nampambebley di pengillawwak ni hi-gayu, et maibilang idan beken ni malinih. Et mukun degyunen kudda et maihullul kayu.

2 Kings 21:11

“Impahding Manasseh ida huyyan lawah ni peteg e nehalhalman pay ni liwat nem ya impahding idelan iAmorite. Ey impappangngulu tudda tutu-ud Judah ni mandeyyaw ni dios ni kinapyan tuu.

Genesis 10:16

Newadadda edum ni u-ungngan Kanaan et humman idan u-ungnga tu nahlagan idan Jebusite, yadda Amorite, yadda Girgashite, yadda Hibite, yadda Arkite, yadda Sinite, yadda Arbadite, yadda Semarite niyadda Hamatite. Huyyaddan helag Kanaan ey neihinap ida.

Genesis 48:21

Kan Jacob nan Joseph ey “Anggagannu law hu ketteyyan ku, nem ippaptek dakeyullin Apu Dios et ibbangngad dakeyullid Kanaan e puyek ida lan aammed tayu.

Genesis 50:24

Yan eman ni eleg ni matey hi Joseph ey kan tuddan agituy “Anggagannu law ey metteyyak, nem ngenamung hi Apu Dios ni mengibbangngad ni hi-gayu etan di bebley ni inhel tun pebeltan tuddan helag Abraham, hi Isaac et hi ametayu hi Jacob.

Exodus 13:3

Kan Moses idan edum tun helag Israel ey “Nemnemnem tayun ingganah huyyan aggew ni neni-yanan tayun Egypt et meliblih itsud neihbutan tayu gapuh ni et-eteng ni kabaelan Apu Dios. Ey ang-ang tayu et eleg tayu kanen hu sinapay ni neha-adan ni kamampelbag.

Exodus 13:4

Yan nunyan memengngulun bulan ni Abib ey hini-yan tayu Egypt et lumaw itsu etan di bebley ni impakulug Apu Dios ida lan ammed tayun iddawat tun hi-gatsu. Humman hu nambebleyan idan Kanaanite, Hittite, Amorite, Hibite niyadda Jebusite. Humman ni bebley ey dakel kennen ey mateba kameitnem. Hedin umdateng kayudman, ey entan tu liwwan ni ippahding hu pan-am-amlengan yu hedin nedatngan huyyan aggew ni katootoon.

Deuteronomy 9:4

Ey hedin megibbuh ni degyunen Apu Dios e Dios yudda, entan tu nemnem e mukun inhullul dakeyun Apu Dios ni mambebley diman ey tep kayyaggud kayu niya kayyaggud hu yuka pehpehding, et hi-gayu lebbeng tun mambebley diman, tep lawah ida. Hakey pay ey pinhed Apu Dios e Dios yun ippahding hu inhel tudda lan aammed yu e hi Abraham, hi Isaac et hi Jacob.

Psalms 105:43

Et ipangngupangngulu tudda humman ni tutu-u tu e ida kaman-am-amleng niya ida kaman-a-appeh ni neni-yanan dan bebley di Egypt.