Genesis 10:9 - Keley-i Bible (Antipolo Ifugao)

⁹ niya hi-gatu kelalla-ingan ni mandedweng tep kabaddangin Apu Dios. Et humman hu, hin-addum ni kan idan tuud edum day “Heni kan Nimrod e nakallaing ni mandedweng.”

Genesis 10:9 Referans Kwoze

Psalms 52:7

“Humman hu neipahding ni hi-gatu tep ya kinedangyan tu niya kalinewah tu hu indinel tu e beken hi Apu Dios.”

2 Chronicles 28:22

Ey kapan-imma-man Ahas ni mangngenghay nan Apu Dios hedin wada ligat ni immalin hi-gatu.

Genesis 27:30

Negibbuh humman et umhep hi Jacob ey dimmateng hi Esau ni an nandeweng.

Genesis 25:27

Yan nehiknan da ey nambalin hi Esau ni madweng e yad muyung hu tuka lallawwi. Hedin hi Jacob ey pinpinhed tun manha-ad di baley da.

Genesis 13:13

Yadda tutu-udman ey lawah ida niya nemahhig hu liwat dan Apu Dios.

Genesis 6:11

Nem yadda edum ni tuu ey nemahhig hu kalinewah da. Mabunget ida niya mapetey ida.

Genesis 6:4

Humman newadaan ni etta-teng ni tuu eyad puyek ni nahlag ida etan ni bibi-in inahwaddan etan ni nalpud kabunyan. Yadda helag da ey et-eteng kabaelan da et mukun nandingngel ida.

Micah 7:2

Henin nunman neipahding idan kayyaggud ni tutu-un kamengu-unnud nan Apu Dios e endi natdaan ni hi-gada. Ebuh ida law hu maheul niya ihik ni umpatey ni edum dan tuun natdaan.

Ezekiel 13:18

Kammun hi-gaday ‘Kan ni Eta-gey ni peteg ni Ap-Apu ey: Anggehemmek kayullin bibi-i tep mekastigu kayu! Yuka he-uhe-uladda tuu etan di kanyun magic ni yuka kennapyaan gelhing niya penget. Pinhed yu ni-ngangun wada kabaelan yu e hi-gayu mengippanghel ni pehding idan tuuk di biyag da niya ketteyyan da, ma-lat usalen yuddad panyaggudan yu.

Jeremiah 16:16

Entanni ey immehel mewan hi Apu Dios et kantuy “Peellik hu dakel ni tutu-un henidda an menebbukul ni deleg et depapen dadda eya tutu-uk. Ey peellik ida kamandedweng et dewengen daddad duntug, yad leyang niyaddad hungab.

Genesis 10:8

Ya hakey ni helag Kush ey hi Nimrod e nambalin ni ap-apuddan kamekiggubbat. Hi-gatu hu nemangulun nengenapput ni nekigubagubatan tud kebebbebley

Genesis 10:10

Yadda bebley ni nan-ap-apuan tu ey yad Babilon, yad Erek, yad Akkad niyad Kalneh, e huyyadda bebley di Babilonia.

Isaiah 18:2

Yadda impaeli yun nanlugan di bangkan nekapyad katlubbung ey daka iddalan di Wangwang e Nile et lumaw idad edum ni bebley. Ey hi-gayun impaeli dan kamehahwisik ni an menghel ni kaippaad idan tutu-ud kebebbebley, anemut kayud bebley yun ginedwan wawangwang, hi-gayun etata-gey ni tutu-u e mangkalinah belat yu niya hin-appil ehel yu niya katekkusiddan tutu-ud kebebbebley. Huyya yu ehel di bebley yu.