Genesis 1:5 - Keley-i Bible (Antipolo Ifugao)

⁵ Et ngadanan tu hu kawwalwal ni aggew ey nginedanan tu hu engeenget ni hileng. Et mahileng nunman et mewa-wa ey humman hu nemangulun aggew.

Genesis 1:5 Referans Kwoze

Psalms 74:16

Ey winedam dama hu kawwalwal niya engeenget ey lintum hu aggew niya bulan et iha-ad muddad neiha-adan da.

Isaiah 45:7

Lintuk hu kawwalwal, niya engeenget niya peellik hu panyaggudan niya kebahbahan. Hi-gak e hi Apu Dios hu mengippahding ni emin nunya.

1 Thessalonians 5:5

Tep emin itsun kamengullug ey heni itsu wadad kawwalwal et inamta tayu huyyan meippahding tep tuu daitsun hi-gatun pinili tun mengippahding ni kayyaggud, beken ni ya lawah.

Psalms 104:20

Winedam hu hileng ma-lat hedin na-nget, man kameukkat idan animal di muyung.

Genesis 8:22

Hedin mannenneng eya puyek e eleg mebahbah man wadallin ingganah tsimpuh ni pantenneman, wada ahiani, wada manginudan, ya siaggew, ya kawwalwal niya hileng.”

Psalms 19:2

Kewa-wa-wa ey kahilehileng ey immen idadman ni mengippeamtan kasina-gey tu.

Jeremiah 33:20

“Nekitballak ni kawwalwal niya hileng ma-lat mewa-wa ey mehilleng etan ni nagtud ni tsimpuh. Ey nanna-ud ni um-amnu humman.

Ephesians 5:13

Nem hedin ibbunget tayudda et peamta tayudda humman ni daka pehpehding, man heniddalli nedilgan di engeenget et wadan amtaen dan lawah ida humman ni daka pehpehding et u-unnuden da kayyaggud ni elaw.

Genesis 1:8

Humman ni nengedwan danum di ahpat et yad nandaul ey nginedanan Apu Dios ni kabunyan. Et mahileng et mewa-wa ey humman hu neikadwan aggew.

Genesis 1:31

Ey inang-ang nan Apu Dios ida humman ni lintu tu ey kayyaggud ni peteg. Nehileng et mewa-wa ey humman hu neika-nem ni aggew.

Genesis 1:23

Nehileng et mewa-wa ey humman neikeliman aggew.

Genesis 1:19

Nehileng et mewa-wa ey humman neika-pat ni aggew.

Genesis 1:13

Nehileng et mewa-wa ey humman hu neikatlun aggew.

Numbers 20:29

Dingngel idan tutu-u e netey hi Aaron et lumelemyung idan telumpulun aggew.

Psalms 65:8

Et humman hu emin hu tuu, anin di attu, et ida kametngan muka pehding et daka itekkutekkuk hu an-anla dan hi-gam.