Ezra 7:8 - Keley-i Bible (Antipolo Ifugao)

⁸ Dimmateng di Ezra di Jerusalem ni meikkelliman bulan ni meikkeppitun toon ni nampatulan nan Artaserses.

Ezra 7:8 Referans Kwoze

Ezra 7:7

Yan eman ni meikkeppitun toon ni nampatulan Artaserses hu inlian tu e ingkuyug idan edum dan helag Israel, yadda edum ni padi, yadda helag Levi, yadda kaman-a-appeh, yadda kamangguwalyan eheb, niyadda kamangngunnud Tempol.

Ezra 7:9

Immegah idad Babilon eman ni nemangulun aggew ni nemangulun bulan, et dumteng idad Jerusalem ni nemangulun aggew ni meikkelliman bulan, tep binendisyonan Apu Dios hu nandalnan da tep ya kayyaggud ni elaw Ezra e ya ingngunungunu tu, ey inedaedal tu niya inu-unnud tu hu Tugun Apu Dios et itenuttuddu tuddan edum tun helag Israel.

Ezra 8:32

Dimmateng kamid Jerusalem et man-iyyatu kamin tellun aggew.

Ezra 9:9

Em, nambalin kamin himbut, nem eleg dakemi pannaneng di neihbutan mi tep ya impeminhed mun eleg melumman. Impambalin mudda patul di Persia ni kabbabbal ni hi-gami et iebulut dan meibbangngad kamid bebley mi et behwaten mi Tempol mu tep nekabbahbah. Ey impelinggep mudda bebley mid Judah niyad Jerusalem.

Ezra 10:9

Et yan nedatngan ni meikkatlun aggew e yan nunman hu meikkadwampulun aggew ni meikkahyam ni bulan ey neamung idan emin hu lalakkin helag Judah et yadda helag Benjamin di Jerusalem, et yumudung idad dallin ni Tempol Apu Dios. Nemahhig takut da tep importanteh ni peteg hu inlian da ey ida kamanggegeygey tep nemahhig hu udan.

Esther 2:16

Inlaw da hi Esther di baley nan patul e hi Serses eman ni meikkeppitun toon ni nampatulan tu e meikkeppulun bulan ni Tebet.

Daniel 9:25

Pakadngel mu et paka-awatan mu e meippalpun pengi-oldenan Apu Dios ni keiyayyaggudan ni Jerusalem ey melebbah hu na-pat et heyam ni toon et ya epat ni gatut et telumpulut epat ni toon et han umli etan patul ni sinudu tu. Meiyayyaggud alin emin hu keltad di Jerusalem niya meihhammad ali mewan law hu nanlinikweh ni batun luhud di diman e bebley. Nem nanengtun panlelehhanan idan tuu hu ligat da.