Ezra 4:1 - Keley-i Bible (Antipolo Ifugao)

¹ Yadda buhul idan helag Judah et yadda helag Benjamin ey dingngel da e kapambehwataddan tutu-un nambangngad di Jerusalem hu Tempol ni Ap-Apu e Dios idan helag Israel,

Ezra 4:1 Referans Kwoze

Ezra 1:11

Ya nga-mut ni emin idan balituk et ya silber ni usal ey 5,400. Ina-allan Sesbassar emin ida huyyan nambangngadan idan helag Israel di Jerusalem ni nalpuan dad Babilon.

1 Corinthians 16:9

tep dakel ida neminhed ni mengngel ni nakka ittenuttuddudya meippanggep nan Apu tayu, anin ni dakel ida buhul ku.

Daniel 9:25

Pakadngel mu et paka-awatan mu e meippalpun pengi-oldenan Apu Dios ni keiyayyaggudan ni Jerusalem ey melebbah hu na-pat et heyam ni toon et ya epat ni gatut et telumpulut epat ni toon et han umli etan patul ni sinudu tu. Meiyayyaggud alin emin hu keltad di Jerusalem niya meihhammad ali mewan law hu nanlinikweh ni batun luhud di diman e bebley. Nem nanengtun panlelehhanan idan tuu hu ligat da.

Daniel 5:13

Et dalli aygan hi Daniel, et kan nan patul ni hi-gatuy “Kaw hi-gam hi Daniel e hakey ni ingkuyug alid ama eman ni nalpuan dad Judah?

Ezra 10:16

Et humman impahding idan tutu-un nambangngad. Piniliddan Ezra e padi hu pan-ap-apuddan helag Israel et itudek tu ngadan da. Et yan nunman ni nemangulun aggew ni meikkahampulun bulan ey inlapu dan manmahmah idan kasuh.

Ezra 10:7

Entanni et palaw idan aap-apu da tudek daddan tutu-u et peamta dan hi-gada e emin idan nampambangngad di diman bebley dad Judah niyad Jerusalem ey meemmung idad Jerusalem.

Ezra 7:9

Immegah idad Babilon eman ni nemangulun aggew ni nemangulun bulan, et dumteng idad Jerusalem ni nemangulun aggew ni meikkelliman bulan, tep binendisyonan Apu Dios hu nandalnan da tep ya kayyaggud ni elaw Ezra e ya ingngunungunu tu, ey inedaedal tu niya inu-unnud tu hu Tugun Apu Dios et itenuttuddu tuddan edum tun helag Israel.

Ezra 6:16

Et man-am-amleng idan nengieng-eng nan Apu Dios nunman ni Tempol hu papaddi, yadda edum dan helag Levi niyadda edum dan helag Israel ni nambangngad ni nalpud edum ni bebley ni neilawwan da.

Ezra 3:13

Nan-eeddum hu tekuk dan an-anla da et ya nangih da e endi petekkan tu kamedngel ey neka-ka-let et kamedngel di neidawwi.