Ezra 3:11 - Keley-i Bible (Antipolo Ifugao)

¹¹ Nan-a-appeh idan penaydayaw dan Apu Dios niya pampesalamat dan hi-gatu e kandan a-appeh day: “Kayyaggud hi Apu Dios! Endi pappeg ni impeminhed tun hi-gatsun helag Israel e eleg melumman.” Et emin ida tutu-uy nemahhig e daka pan-itkuk hu daka penaydayaw nan Apu Dios tep negibbuh hu pegnad ni pengibbehwatan ni Tempol tu.

Ezra 3:11 Referans Kwoze

1 Chronicles 16:34

Pansalamat itsun Apu Dios tep ya kakinayyaggud tu. Ya impeminhed tu ey kamannananeng ni ingganah.

Psalms 106:1

Daydayaw tayu hi Apu Dios! Pansalamat itsun Apu Dios tep ya kakinayyaggud tu. Ya impeminhed tu ey kamannananeng ni ingganah.

Psalms 107:1

Pansalamat itsun Apu Dios tep ya kakinayyaggud tu. Ya impeminhed tu ey kamannananeng ni ingganah.

Psalms 103:17

Nem mannananeng ni ingganah hu impeminhed Apu Dios idan tutu-u tun kamengu-unnud ni hi-gatu niyadda etan eleg da ippangil hu nekitbalan tun hi-gada niyadda etan daka pannananeng ni mengu-unnud ni tugun tu. Anin idan helag da et mannananeng dama hu kakinayyaggud tun hi-gada.

Jeremiah 33:11

hu tekuk ni tutu-u tep ya amleng da. Ey medngel ali mewan hu ngaladdan kaman-an-anlan mangkasal niya a-appeh idan tutu-un mengi-lin i-appit dan hi-gak eyad Tempol gapuh ni pansalamatan da. Kandalliy ‘Pansalamat itsun Apu Dios e Kabaelan tun emin tep kayyaggud ey kamannenneng hu impeminhed tu.’ Em, pekeddangyan kulli mewan eya bebley et heni mewan lan nunman. Hi-gak e Ap-Apu hu nanghel idan nunya.”

Psalms 135:3

Daydayaw tayu hi Apu Dios tep ya kakinayyaggud tu niya iena-appeh tayu hu penaydayaw tayun ngadan tu tep ya binabbal tu.

Psalms 118:1

Pansalamat itsun Apu Dios tep ya kakinayyaggud tu. Ya impeminhed tu ey kamannananeng ni ingganah.

2 Chronicles 7:3

Inang-ang idan helag Israel humman ni apuy ni nalpud kabunyan niya etan kaumhilin dayaw tud Tempol ey nandukkun ida et iyuung da et dayawen da hi Apu Dios. Kanday “Kayyaggud hi Apu Dios niya kamannananeng impeminhed tu!”

Isaiah 12:6

Hi-gatsun tutu-ud Zion, itkuk tayu a-appeh tayu tep ya amleng tayu! Tep ya Dios ni Israel ey Kayyaggud ni peteg, et-eteng kabaelan tu niya kamekihahha-ad ni hi-gatsu.”

Nehemiah 12:24

Huyyadda ap-apun dewwan grupuh ni helag Levi ni neitudek: Hi Hashabiah, hi Serebiah, hi Jeshua, hi Binnui et hi Kadmiel. Huyyaddan dewwan grupuh ey ida kamanhuluhulul ni mandeyyaw ey mampesalamat nan Apu Dios. Impahding da huyya e neiunnud di tugun lan patul e hi David e kamekangngu-unnud nan Apu Dios.

Isaiah 44:23

Hi-gayun wadad kabunyan, anin idan hi-gayun wadad puyek, itkuk yu amleng yu! Ey hi-gayuddan duduntug, yadda mumuyyung, ey hi-gayyuddan keyew, ia-appeh yu amleng yu, tep hi Apu Dios ey inhewang tudda helag Israel et keang-angan ni dayaw tu.

Exodus 15:21

Et man-a-appeh hi Miriam e kantuy “Ia-appehi tayu hi Apu Dios tep inapput tu buhul tayu ma-lat kaideyyawan tu. Imbeng tudda kebayyu et yadda nampantakkay etan di baybay et mangkalsing ida.”

Luke 1:50

Tuka hehmekan emin hu tuun kamengullug ni hi-gatu, anin idan helag da.

Sekariah 9:9

Immehel mewan hi Apu Dios ey kantuy “Hi-gayun tutu-ud Jerusalem, pan-am-amleng kayun peteg! Itkuk yu amleng yu tep iyyalli patul yu. Hi-gatu ey kayyaggud niya kabaelan tun mengihwang. Nem inamta tun mampekumbabah, tep nantakkay di pakeetteng tun donkey.

Isaiah 6:3

Entanni ey nan-a-appeh ida e kandad a-appeh day “Hi Apu Dios e Kabaelan tun emin ey Kayyaggud ni peteg, Kayyaggud ni peteg, Kayyaggud ni peteg niya kameang-ang ni emin eyad puyek hu dayaw tu.”

Psalms 47:1

Hi-gayun katuutuu, pelakpak kayun anla yu niya elet yun mengia-appeh ni pandaydayaw yun Apu Dios.

1 Chronicles 16:41

Nei-dum ni hi-gadad Heman nan Jeduthun niyadda edum dan neputuk ni man-a-appeh ni pandeyyaw dan Apu Dios tep ya kamannananeng ni impeminhed tu.

Nehemiah 12:40

Huyyaddan dewwan grupuh ni kamenaydayaw nan Apu Dios, ey nandammuddad Tempol, anin ni hi-gami e edum kudda etan kagedwah ni aap-apu,

Psalms 47:5

Yan kapenglawwin Apu Dios di kabunyan e tuka pan-ap-apui ey katkatnulan tu hu tangguyup niya katkuk ida tuun amleng dan hi-gatu.

Joshua 6:5

Et yan manggillig ni pengipatnulan da ey dukkeyen da ey eleg da sikkesikkeda. Hedin dingngel yu humman mandidihhan kayun umtekuk. Mangketu-lidalli hu binattun luhud ni bebley ma-lat humgep kayun emin.”

Joshua 6:16

Yan nunman ni meikkeppitun panlikwehan da, dinukkey idan padi hu tenul ni tangguyup da ey kan Joshua idan tuu ey “Tekuk kayu! Tep indawat Apu Dios eya bebley ni hi-gatsu!

Joshua 6:10

Nem hedin yadda etan tuu ey in-olden Joshua e eleg ida um-ehel ey eleg ida umtekuk ingganah i-olden tu.

Psalms 100:5

Tep hi Apu Dios ey kakkayyaggud. Ya impeminhed tu niya tuka pemaptek ni hi-gatsu ey mannananeng ni ingganah.

Psalms 131:1

Apu Dios, eleggak mampahhiya et mukun eggak gamgamidda hu eta-gey ni saad niya eggak patnain ippahding ida hu hipan eggak han-awat.

Sekariah 4:7

Endi an umhani, anin ni henin kainetteng ni duntug et eleg umhanid pengippahdingam ni implanuh kun pehding mu, tep medeklan ali humman ni duntug di hinanggam. Gibbuhem ali hu Tempol. Et yallin pengihha-adam ni manggillig ni batu ey ittetkuk idallin tutu-u e kanday: Hi Apu Dios hu mengidwat ni bendisyon! Em, hi Apu Dios hu mengidwat ni bendisyon!’”

Haggai 2:3

‘Kan Apu Dios ey: Kaw wadan hi-gayu hu hannemnem tu hu kakinayyaggud ni ang-ang ni Tempol ni nunman? Hipa law ang-ang tun nunya? Nanna-ud ni heni endi silbitu yuka penang-ang nunya.