Ezra 10:6 - Keley-i Bible (Antipolo Ifugao)

⁶ Entanni ey hini-yan Ezra hu hinanggan Tempol Apu Dios, et lumaw di kampun Jehohanan e u-ungngan Eliashib. Nandeyadman nem eleg mangan ey eleg uminum tep nanengtun kaumlelemyung, tep ya eleg pengu-unnudan idan edum tun helag Israel ni nambangngad.

Ezra 10:6 Referans Kwoze

Deuteronomy 9:18

Nanlukbubbak et mampehemmehemmekkak mewan ni na-pat ni aggew et na-pat ni hileng nan Apu Dios e eggak mangamangan niya eggak uminum ni danum. Mukun impahding ku humman ey tep nanliwat kayun Apu Dios et pabunget yu.

Nehemiah 12:22

Yan eman ni nampatulan nan Darius di Persia ey neitudek ida ngadan ni nahlagan idan pamilyah ni papaddi et yadda helag Levi eman ni tsimpuh idan eta-gey ni padi e hi Eliashib, hi Joiada, hi Johanan et hi Jaddua.

Nehemiah 3:1

Ya neipahding et mekapya hu tuping ni luhud ni Jerusalem ey heninnuy: Inlapun Eliashib e eta-gey ni padi niyadda edum tun papaddi et kapyaen da etan Eheb e Kalneroh et ieng-eng dan Apu Dios. Intuluy da et kapyaen da luhud ingganah etan di Eta-gey ni Baley ni Hanggatut et yad Eta-gey ni Baley Hananel et ieng-eng da daman Apu Dios.

Daniel 9:3

Et mampehemmehemmekkak nan Apu Dios di dasal ku. Nantepellak, ey nambalwasi-ak ni langgusih niya yimmudungngak di dep-ul.

Isaiah 22:12

Yan neipahdingan idan nunya ey inhel Apu Dios, e Eta-gey ni peteg niya Kabaelan tun emin, e mannannangngih kayu, umlelemyung kayu, mampemukmuk kayu niya mambalwasi kayun langgusih et pengipeang-angan yun kayu kamantuttuyyu.

Job 23:12

Inu-unnud kun emin hu intuttuddu tun pehding ku. Ey nakka pekeddukdul hu ehel tu nem ya kennen.

Nehemiah 13:28

Ya mewan hakey ni u-ungngan Jehoiadah e u-ungngan Eliashib e eta-gey ni padi ey inepun Sanballat e iBet Horon. Et humman himmulun ni impa-kal ku humman ni u-ungngan Jehoiadah di diman Jerusalem.

Nehemiah 13:5

Et iebulut tun ussalen Tobiah etan melakkeb ni kuwaltuh ni nekapyan pengi-emmungan idan kamei-appit ni begah, yadda bangbanglu, yadda edum ni usal di Tempol, yadda meinnum et yadda lanan olibah. Intugun Moses ni nunman e huyyaddan kamei-appit ey ussalen idan helag Levi, yadda kaman-a-appeh et yadda kamangguwalyan eheb.

Nehemiah 12:10

Huyya tenten ni helag Joshua e eta-gey ni padi. Nahlag hi Joshua et hi Joiakim. Nahlag hi Joiakim et wada hi Eliashib. Nahlag hi Eliashib et wada hi Joiada.

Nehemiah 3:20

Hi Baruk e u-ungngan Sabbai hu nengingunun tu-lu tu ingganah di heggeppan di baley ni eta-gey ni padi e hi Eliashib.

Ezra 10:1

Yan nunman ni nanyuungan nan hi Ezra et mandasal di hinanggan Tempol e kamannanangih ey pan-e-helen tu nanliwatan da, ey immalidda dakel ni edum tun helag Israel ni nangkea-amma ey nangkei-inna, kaungaungan lalakki ey bibi-i, et maemung idad kad-an tu e nemahhig hu nangih da.

Ezra 9:4

Yimmuyudungngak diman ingganah nedatngan hu pan-appitan ni kamangkehilleng. Emin ida etan tutu-un simmattakut ni pehding nan Dios min helag Israel tep ya liwat idan edum dan nampambangngad di Jerusalem ey immaliddad kad-ak et mekiyuyyuddung idan hi-gak.

Exodus 34:28

Nanha-ad hi Moses di Duntug e Sinai ni na-pat ni aggew ey na-pat ni hileng e impangkadwa tu hi Apu Dios. Yan nunman ni wadaddadman ey eleg mangamangan ey eleg uminuinum. Yan nunman ni tsimpuh hu nengitudekan tud dewwan nedampilag ni batun etan idan Hampulun Tugun nan Apu Dios e huyyadda neipuunan ni nekitbalan tu.

Ezra 10:7

Entanni et palaw idan aap-apu da tudek daddan tutu-u et peamta dan hi-gada e emin idan nampambangngad di diman bebley dad Judah niyad Jerusalem ey meemmung idad Jerusalem.

Psalms 102:4

Endi law ni hekey hu elet ku e heni-ak nema-ganan ni helek niya nakka umhigan mengngan.