Exodus 8:6 - Keley-i Bible (Antipolo Ifugao)

⁶ Et idengdeng nan Aaron etan hulkud etan idad wada danum ey neukat idalli dakel ni tukak et mapnu hu bebley di Egypt.

Exodus 8:6 Referans Kwoze

Psalms 105:30

Entanni mewan ey impalaw tu hantapug ni tukak et umapnal idad kebebbebley di Egypt, anin yad baley nan patul.

Psalms 78:45

Ey impalaw tu hu hantapug ni aggiyyet niya tukak et melilligatan hu tuud Egypt et mebahbah hu bebley da.

Revelation 16:13

Entanni ey inang-ang ku e wada neukat ni tellun lawah ni ispirituh e nalpu hakey di bungut etan ni dragon, ya hakey di bungut etan ni heni animal ni anggetakkut niya nalpud bungut etan ni beken ni makulug ni prophet etan hakey. Ya ang-ang da ey henidda tukak.

Leviticus 11:12

Pidwaek ni e-helen, e eleg mabalin ni yu kennen hu hipan mategun wadad danum ni endi lukhip tu niya ipay tu.

Exodus 7:19

Ey ehel mu daman Aaron et tu idengdeng hulkud tuddad wangwang, yaddad kulukul niyaddad lebeng di ditan Egypt et mambalin ni emin hu danum diman ni kuheyaw, anin idan inehul da.”

Exodus 9:14

Tep hedin kahing ka et eleg mudda pellaw, ey beken ni ebuh ida opisyal mu et yadda tuum ni kastiguen ku, nem anin ni hi-gam ma-lat pengamtaan mu e endi edum ni dios ni henin hi-gak eyad puyek.

Exodus 9:29

Kan Moses ni hi-gatuy “Anin ni hannitan hu ehel mu ey amtak metlaing e hi-gam niyadda opisyal mu ey eleg kayu umtakut nan Apu Dios. Nem anin, hedin um-a-allawwak eyad bebley ey itta-gey ku ngamay ku et mekihhummangan nak nan Apu Dios et pasiked tu eya kidul niya dallallu. Humman pengamtaan mu e bagin Apu Dios eya puyek ni nambebleyan tayun tuu.”

Exodus 10:2

Et e-ehhelen yuddallin u-ungnga yu niya inap-apu yun edum ni aggew hu meippanggep idan nunyan impahding kun miracle ni nengastiguk idan eyan iEgypt. Et amtaen yun emin e hi-gak hu Ap-Apu.”

Exodus 15:11

Apu Dios, endi edum ni dios ni henin hi-gam. Kaw wadan hi-gada hu kamedeyyaw ey kakkayyaggud e henin hi-gam? Et hipan hi-gada hu kabaelan tun mengippahding idan kamengippetngan muka ippenahding?

Deuteronomy 4:35

Ya gaputun nengipeang-angan Apu Dios e Dios idan nunman ni hi-gayu, ey ma-lat amtaen yu e hi-gatun ebuh hu Dios, endi edum.

Deuteronomy 32:31

Inamtaddan buhul da e endi kabaelan ni dios dan beken ni henin Dios ni Israel.

Deuteronomy 33:26

“Hi-gayun helag Israel e kamengeddanin Jeshurun, endin hekey hu kamei-ingngeh di Dios yun kamedeyyaw di kabunyan e heni nanlugan di kulput ni um-alin memaddang ni hi-gayu.

2 Samuel 7:22

Apu Dios e Eta-gey ni peteg, makulug ni kaka metbal. Endi edum ni amta min Dios mi, hi-gam ni ebuh.

2 Chronicles 6:14

Kantud dasal tuy “Ap-Apu e Dios min helag Israel, endi edum ni Dios di kabunyan niyad puyek ni henin hi-gam. Impannananeng mu hu eleg melumman ni impeminhed muddan tuum ni kamekangngu-unnud ni hi-gam niya kamengippehebballin mengippahding ni pinhed mu, niya muka peamnu hu nekitbalam ni hi-gada.

Psalms 86:8

Endi edum ni Dios ni henin hi-gam niya endi edum ni kabaelan tun pehding hu muka pehding.

Psalms 90:2

Anin ni yan eman ni eleg mu ni letuen eyadda wadan nunya heniddan duduntug, et hi-gam ngu dedan hu Dios ni endi laputu niya endi pappeg tu.

Isaiah 43:10

Nem hedin hi-gak e hi Apu Dios, man wada tistiguk. Hi-gayun helag Israel hu tistiguk niya bega-en kun pinilik ni mengamta niya mengiddinnel ni hi-gak. Em, hi-gayu pinilik ni mengewwat e hi-gak ni ebuh hu Dios, endi edum. Anin ni yan nunman niyallin edum ni aggew et endi edum ni Dios nem hi-gak ni ebuh.