Exodus 6:8 - Keley-i Bible (Antipolo Ifugao)

⁸ Ippangulu dakeyu etan di bebley ni insapatah kun iddawat kun Abraham, hi Isaac et hi Jacob et hi-gayu memeltan ni nunman ni puyek ma-lat pambebleyan yu. Et nemnemen yu e hi-gak hu Ap-Apu yu.”

Exodus 6:8 Referans Kwoze

Genesis 26:3

U-unnud mu et manha-ad kayudya, et ipaptek dakan hi-gak ni ingganah niya bendisyonan daka. Iddawat kun hi-gam niyadda helag mu eya puyek niya peamnuk hu insapatah ku lan amam e hi Abraham.

Genesis 15:18

Et yan nunman ey kan Apu Dios nan hi Abram ey “Iddawat kuddallin helag mu eya puyek meippalpud pappeg ni Egypt ingganah di Wangwang e Euphrates e nambebleyan idan Kenite, yadda Kenissite, yadda Kadmonite, yadda Hittite, yadda Perissite, yadda Repaite, yadda Amorite, yadda Kanaanite, yadda Gergashite, niyadda Jebusite.”

Ezekiel 20:42

Ey hedin ibbangngad dakeyud Israel e bebley ni inhel kun iddawat kuddan eman ni aammed yun numman, man amtaen yulli e hi-gak hu Ap-Apu.

Genesis 14:22

Nem kan Abram ey “Eleg, tep insapatah kun Ap-Apu e Dios e Keta-ta-geyyan niya nanletun kabunyan niya puyek

Deuteronomy 32:40

Hi-gak hu Dios ni wadan ingganah ey itta-gey ku ngamay ku et isapatah ku

Exodus 32:13

Nemnem mu e inhel mudda lan bega-en mu e hi Abraham, hi Isaac et hi Jacob e kammun hi-gaday pedakkel mu helag da, et heniddan bittuwen di kabunyan e eleg mebillang. Ey nemnem mu e kammuy ya helag da hu pengidwatan mun etan ni bebley ni kammun panha-adan dan ingganah.”

Genesis 35:12

Hi-gam niyaddalli helag mu hu memeltan ni puyek ni indawat kun apum e hi Abraham ni hi amam e hi Isaac.”

Genesis 28:13

Ey wada hi Apu Dios e immehneng di ta-pew ni teytey e kantuy “Hi-gak hu Ap-Apu e Dios ni dinaydayaw nan apum e hi Abraham ni hi amam e hi Isaac. Iddawat kun hi-gam et yadda helag mu eya puyek ni muka pambakbaktadi.

Ezekiel 36:7

Hi-gak e Apu Dios e Eta-gey ni peteg ey issapatah ku e kastiguen kudda humman ni bebley et helheltapen da dama pehding kun kebe-ingan da.

Ezekiel 20:28

Et yadda etan dios da hu in-enappitan dan bangbanglu niya meinnum di hengeg idan etta-teng ni keyew di kedunduntug eman ni nengilawwan kun hi-gadad bebley ni insapatah kun iddawat kun hi-gada. Et humman law hu gaputun nemahhig hu bunget kun hi-gada.’

Ezekiel 20:23

Et isapatah ku law ni hi-gada etan di desert e iwwahit kuddad kebebbebley

Ezekiel 20:15

Nem insapatah kudman di desert e eggak pedetteng idad etan di intuduk ni kekakkayyaggudan ni bebley e dakel ni peteg hu gatas niya putsukan.

1 Samuel 15:29

Hi Apu Dios e kamedeyyaw ni Dios idan helag Israel ey eleg man-itek ey eleg tu hulluli nemnem tu tep beken ni tuu.”

Numbers 23:19

Hi Apu Dios man beken ni henin tuu e kaman-ittek winu kamangkekyat. Tep hedin hi-gatu man tuka pehding ni emin hu tuka e-hela. Hedin inhel tu man kameippahding.

Exodus 6:6

Et humman hu, ehel muddan edum mun helag Israel e hi-gak hu Ap-Apu. Peang-ang ku hu et-eteng ni kabaelan kud nemahhig ni pengastiguk idan iEgypt, ma-lat pappegen ku hu nanhimbutan yun hi-gada niya ma-lat meihwang kayud yuka panhelheltapi. Et yallin pengippahdingan kun nunya hu pengamtaan yu e tuu dakeyun hi-gak e Ap-Apu e Dios yu.

Exodus 6:2

Hi-gak hu Ap-Apu.

Revelation 10:6

et mansapatah nan Apu Dios e wadan ingganah e nanletun puyek, ya kabunyan, ya baybay niyaddan emin hu wadadman, et kantuy “Nekemtang law ni ebuh.

Numbers 14:30

hu an umdateng di bebley ni insapatah kun iddawat kun hi-gayu. Ebuh di Kaleb e u-ungngan Jephunneh nan hi Joshua e u-ungngan Nun ni umdateng diman.

Joshua 24:13

Indawat kun hi-gayu hu eleg yu pan-atuan ey beken ni hi-gayu hu nengapya. Yan nunya ey nambebley kayudtan ey yuka kenna hu eleg yu itnem henin grapes ey olibah.’”

Nehemiah 9:15

Entanni et neupadda tutu-um ey indawtan muddan sinapay ni nalpud kabunyan, et na-wew ida mewan ey impaukat mu danum di batu et inumen da. Inhel mu mewan ni hi-gada e ngenamung idan an manha-ad etan ni puyek ni insapatah mun iddawat mun hi-gada.

Exodus 6:4

Nekitballak ni hi-gada niyaddalli helag da e iddawat kun hi-gada hu Kanaan e nekibebleyan da lan nunman.

Numbers 10:29

Hakey ni aggew ey kan Moses nan hi aydu tu e hi Hobab e u-ungngan Jetro e iMidian ey “Umlaw kamid bebley ni inhel Apu Dios ni iddawat tun hi-gamin helag Israel. Pakilaw kan hi-gami et idwatan dakan panyaggudam tep inhel Apu Dios e iddawat tu panyaggudan min tuu tu.”

Numbers 11:12

Beken ni hi-gak hu namyuh ni hi-gada niya beken ni hi-gak hu ammed da! Ey kele nak nambalin ni heni kaman-e-ban hi-gada et nak ida illaw di bebley ni inhel mun iddawat muddan aammed mi?

Deuteronomy 4:31

Tep hi Apu Dios e Dios yu ey mahmek, eleg dakeyu iwwalleng, eleg dakeyu bahbaha, niya eleg tu ippangil ni ippahding hu nehammad ni nekiungbalan tuddan aammed yun nunman.