Exodus 4:25 - Keley-i Bible (Antipolo Ifugao)

^25-26 Nem hi Sippora e ahwan Moses ey immalan ewah et kugiten tu etan u-ungnga dan laki, et idehidah tud helin Moses et kantuy “Ayyakaw huyyan elaw yu e mahapul ni mekuggit kayu!” Et gapuh ni nunman ni impahding Sippora ey eleg law pateyen Apu Dios hi Moses.

Exodus 4:25 Referans Kwoze

Genesis 17:14

Ya etan lakin eleg makugit ey eleg meibbillang ni tuuk tep eleg tu u-unnuden huyyan inhel ku.”

2 Samuel 16:7

Kan Simei ey “Pampenga-allaw ka e David tep mapetey ka niya lawah kan tuu!

Exodus 2:21

Nekilaw hi Moses et lektattuy pininhed tun mekihha-ad di baley Jetro. Entanni ey impeahwan Jetro etan hakey ni u-ungnga tu e hi Sippora nan Moses.

Exodus 18:2

Ninemnem tun ikkuyug etan u-ungnga tu e hi Sipporah e ahwan Moses et yadda u-ungnga da e di Gersom nan Elieser. Yan nunman la ey impaenamut nin Moses hi Sipporah et yadda u-ungnga da et ida makiha-ad di kad-an Jetro. Yan neiungngaan idan nunman ni u-ungnga tu ey nginedanan tu etan pengulwan ni Gersom tep kantuy “Hi-gak ey immali-ak ni ebuh ni nekibebley di deya.” Ey ya etan meikkadwa ey nginadnan tun Elieser tep binaddangan Apu Dios hi-gatu. Et kantuy “Hi Apu Dios e kadaydayawaddan ammed ku ey binaddangan tuwak et eleg tuwak pateyen etan ni patul di Egypt.”