Exodus 3:4 - Keley-i Bible (Antipolo Ifugao)

⁴ Inang-ang Apu Dios e kamangkeihnup hi Moses ey inhelan tu e kantuy “Moses!” Kan Moses ey “Uh Apu, iyadya-ak!”

Exodus 3:4 Referans Kwoze

Deuteronomy 33:16

Mewedda et anhan di emin ni bebley da hu kakkayyaggud. Ey bendisyonan ida et anhan Apu Dios e immehel di kamantetebbel ni ekkekut ni keyew. Ey um-alidda et anhan emin huyyan bendisyon ni helag Joseph, et hi-gatu hu heni uluddan aaggi tu.

Acts 9:4

Netu-li ey dingngel tu hu kaman-e-hel ni hi-gatu e kantuy “Saul! Saul! Kele muwak kapanligligat?”

1 Samuel 3:8

Entanni ey impitlun Apu Dios ni immehel nan Samuel. Bimmangun mewan et lumaw di kad-an Eli et kantun hi-gatuy “Immali-ak tep inaygan muwak.” Ninemnem law Eli e hi Apu Dios hu immehel

1 Samuel 3:6

Entanni mewan ey immehel hi Apu Dios e kantuy “Samuel!” Bimmangun mewan hi Samuel et lumaw di kad-an Eli et kantuy “Immali-ak tep inaygan muwak.” Nem kan mewan Eli ey “Eleg daka ayagan e u-ungngak. Kaibangngad kat ka maugip.”

1 Samuel 3:4

immehel hi Apu Dios nan Samuel. Himmumang hi Samuel e kantuy “Em, Apu.”

Genesis 46:2

Yan nunman ni hileng ey nampeang-ang hi Apu Dios nan Jacob et kantuy “Jacob!” Himmumang hi Jacob e kantuy “Hipa humman e Apu?”

Genesis 22:11

nem immehel ali hu anghel Apu Dios di kabunyan e kantuy “Abraham!” Kan Abraham ey “Hipa humman e Apu.”

Genesis 22:1

Hakey ni aggew ey pinatnaan Apu Dios hi Abraham. Immehel ni hi-gatu e kantuy “Abraham.” Himmumang hi Abraham e kantuy “Em, Adyahhak, Apu.”

Psalms 62:11

Tep beken ni pinhakkey ni ebuh hu nangngelan kun inhel Apu Dios ni kantuy ebuh tun wada hu kabaelan tu

Acts 10:13

Entanni ey wada immehel ey kantuy “Imay Peter, pampili kan pinhed mun palsien ni ihhidam.”

Acts 10:3

Hakey ni hambatenganan ey nampeang-ang ni hi-gatu hu anghel Apu Dios e kantuy “Cornelius, immali-ak.”

1 Samuel 3:10

Entanni ey immali hi Apu Dios et umehneng di kad-an tu et kantun hi-gatuy “Samuel, Samuel!” Himmumang hi Samuel et kantuy “Em, Apu. Ehel mu pinhed mu et u-unnuden ku.”

Genesis 28:16

Bimmangun hi Jacob ey simmakut et kantuy “Tam wada gayam hi Apu Dios di deya ey eleg ku amta! Anggetakkut di deya! Huyya na-mu hu baley Apu Dios e habyen ni umlaw di kabunyan.”

Exodus 3:2

Entanni ey nampeang-ang hu anghel Apu Dios ni hi-gatu etan di kamantettebbel ni ekkeket ni keyew. Inang-ang Moses e ma-nut kamantettebbel etan keyew, nem eleg megbu.

Exodus 4:5

Immehel mewan hi Apu Dios ey kantuy “Heninnuy pay hu ippahding mu ma-lat kulugen idan edum mun helag Israel e hi-gak e Ap-Apu e Dios idan aammed yu e hi Abraham, hi Isaac et hi Jacob ey makulug ni nampeang-angngak ni hi-gam.

Exodus 19:3

Entanni ey nanteyed hi Moses etan di duntug et an makihummangan nan Apu Dios. Ey kan Apu Dios ni hi-gatuy “Ehel muddan edum mun helag Israel e kammuy ‘Huyya hu kan Apu Dios:

Exodus 33:12

Kan Moses nan Apu Dios ey “Kammuy ippanguluk ida huyyan tutu-u et lumaw kamid bebley ni kammun lawwan mi, nem eleg mu ehelen hedin hipadda mekillaw ni hi-gak. Kammu mewan ey neka-amta muwak ey kamengippeamleng ni hi-gam hu nakka pehpehding.

Leviticus 1:1

Hi Apu Dios e wada etan di Tabernacle ey ineyagan tu hi Moses et ehelen tun emin ni hi-gatu