Exodus 27:3 - Keley-i Bible (Antipolo Ifugao)

³ Pengapya kayuddan meussal di pan-appitan henin baldih ni pengihha-adan yun dep-ul, ya pala, ya besin, ya tewik ni detag niya penellukduk ni ngalab. Kapyaen yun emin ida huyyad giniling.

Exodus 27:3 Referans Kwoze

2 Chronicles 4:16

yadda banga, yadda pala, yadda tebeng ni detag niyaddan emin hu edum ni meussal diman. Emin ida huyyan meussal di Tempol Apu Dios ni impekapyan Solomon nan Huram ey nekapyad giniling.

2 Chronicles 4:11

Nengapyaddan banga, yadda pala niyadda besen. Et humman negibbuhan idan emin nunyan meussal di Tempol Apu Dios ni impekapyan Solomon e patul ni hi-gada. Yaddahhuy hu kinapya da:

1 Chronicles 28:17

yadda tebeng, yadda mahukung ni duyu, yadda bewed, yadda duyu,

2 Kings 25:15

Inladdan emin etan ida nekapyan balituk niya silber et yadda ekka-kut ni mahukung ni duyu et ya etan pengiggihheban ni insensoh.

1 Kings 7:40

Nengapya pay hi Huram idan banga, yadda pala et yadda besen et gibbuhen tu law emin hu impekapyan Solomon ni hi-gatun meussal di Tempol Apu Dios. Yaddahhuy hu kinapya tu: dewwan tukud, dewwan heni mahukung ni duyun neikapya etan di ta-pew idan tukud, yadda al-alkus ni kadenah ni neiha-ad di ta-pew idan tukud, epat ni gatut ni heni lameh ni pomegranate ni nekapyan giniling ni neihabley idadman ni kadenah di ta-pew ni dewwan tukud, dewwan netu-tu-nud ni pomegranates hu neihabley di hakey ni kadena di hakey ni tukud, yadda hampulun kaliton ni pengippettukan idan hampulun besen ya etan et-eteng ni tangkih niyadda etan hampulut dewwan heni bulug ni bakan neipetukan tu. Emin ida humman anin idan banga, yadda pala, niyadda besen ey nekapyad giniling. Humman idan mahapul di Tempol ey impekapyan Solomon nan Huram.

Numbers 4:14

Ihha-ad dadman ida ngunut ni meussal di altar henin penellukduk ni ngalab, yadda tewik, yadda pala niyadda besin, et hephepan daddan kayyaggud ni katat et handa iduduk hu pan-attang.

Leviticus 16:12

Ellan tu etan pengiggihheban ni bangbanglun neha-adan ni ngalab ni nalpud altar di hinanggan Apu Dios. Ey um-alan dewwan gamal ni nakaggudun bangbanglu, et ihgep tud kuwaltuh ni nekultinahan

Exodus 38:3

Nengapya pay idan meussal di pan-appitan henin baldih ni pengi-ha-adan ni dep-ul, ya pala, ya besin, ya tewik ni detag niya penellukduk ni ngalab. Emin ida huyya ey nekapyad giniling.

Exodus 24:6

Inha-ad Moses idad mahukung ni duyu hu kagedwah ni kuheyaw et ya gedwatu ey inwakgih tu etan di pan-appitan.

Exodus 27:2

Ey ikapya yu hu heni ha-duk idad ta-pew ni epat ni dugu tu e neihakkey hu kapkapya tud altar. Hedin megibbuh ni kinapya yu ey takapi yun giniling.

Exodus 27:4

Kapya kayun nelaggan giniling ni meihha-ket di dimmewdew di gawwan bawang ni altar. Kapya yu epat ni netullikeng etan di epat ni dugun nunman ni altar ni keidduddukan idan pan-attang.

1 Kings 7:50

yadda basuh, yadda pan-e-dep ni kengkeh, yadda besen, yadda pengiggihheban ni insensoh, yadda penellukduk ni ngalab, yadda bitaglah ni lekbin Nekassantuh ni Kuwaltuh niyadda etan bitaglah ni lekbin Tempol. Emin ida humman ey nekapyad balituk.

2 Kings 25:14

Impeki-la dadda banga, yadda pala, yadda kapandellukduk ni dep-ul, yadda kameussal di kengkeh et yadda giniling ni usal di Tempol.

Exodus 27:19

Emin hu meussal di Tabernacle, anin idan paghek ey giniling hu mekapya.