Exodus 20:8 - Keley-i Bible (Antipolo Ifugao)

⁸ U-unnud yu elaw ni Sabaduh ni kamengillin ni aggew ma-lat ipahding yudda lebbeng tun meipahding.

Exodus 20:8 Referans Kwoze

Leviticus 26:2

Pannananeng yun u-unnuden hu elaw ni Sabaduh niya lispituh yu hu baley kun yuka pandeyyawin hi-gak. Hi-gak hu Ap-Apu e Dios yu.

Leviticus 19:3

Mahapul ni lispituhen yu hi ameyun ineyu. Ey mahapul ni u-unnuden yu hu elaw ni Sabaduh. Hi-gak hu Ap-Apu e Dios yu.

Genesis 2:3

Binendisyonan tu hu humman ni aggew et ibilang tun kamengillin tep humman ni aggew hu nengibbuhan tun ngunu tu et man-iyyatu.

Leviticus 23:3

Mei-ebbulut kayun mangngunnun enem ni aggew. Nem yan meikkeppitun aggew e Sabaduh e kamengillin ni aggew ey mahapul ni man-iyyatu kayu, tep neieng-eng huyyan aggew ni hi-gak ma-lat maemung kayun mandaydayaw ni hi-gak, anin ni attu pambebleyan yu.

Leviticus 19:30

Ipahding yu elaw ni Sabaduh, ey lispituh yu hu baley kun pandeyyawan yun hi-gak. Hi-gak hu Ap-Apu.

Exodus 23:12

Yan hanlingguan ey enem ni aggew hu pangngunnuan yu, nem yan meikkepitun aggew ey man-iyattu kayu et yadda bega-en yu, anin idan nalpud edum ni bebley ni yuka pangngunnu ey anin idan animal yun yuka pan-elladu ey man-iyattudda dama.

Genesis 2:2

Ginibbuh tu law ni emin hu ngunu tu et man-iyyatun meikkeppitun aggew.

Deuteronomy 5:12

U-unnud yu elaw ni Sabaduh ni kamengillin ni aggew, e humman dedan la intugun ku e Ap-Apu e Dios yu ma-lat ipahding yudda lebbeng tun meippahding.

Nehemiah 9:14

Intuttuddum ni hi-gada hu tugun mun meu-unnud ni aggew ni Sabbath. Huyyaddan tugun ey indawat mun bega-en mu e hi Moses et pebeltan tu damaddan aammed mi.

Nehemiah 13:15

Yan nunman ni tsimpuh ey nakka ang-ang-angadda tutu-ud Judah e anin ni Sabaduh, et daka pan-iyayyaggud hu daka pangkekpali, niya kapan-ienamut ni edum hu ineni da e daka pan-itakkay di kebayyu da. Yan nunman mewan ni aggew ey daka pan-i-lid Jerusalem hu meinnum, yadda figs, et yadda edum ni kalga e daka pan-ittakkay di kebayyu da et ilaw dad Jerusalem. Inhelak idan nunman e kangkuy eleg mabalin ni ida manggetang ni Sabaduh.

Isaiah 56:2

Bendisyonak hu tuun eleg mengippahding ni lawah niya kamengu-unnud ni elaw ni Sabbath e hi-gak ni ebuh hu pengi-eng-engan tun nunman ni aggew.”

Jeremiah 17:22

Ey entan pangngunu yu, tep mahapul ni ngillinen yu humman ni aggew. Intugun ku huyyadda lan aammed yun nunman.

Jeremiah 17:24

Nem hedin u-unnuden yudda huyyan tugun ku e Dios yu, e eleg kayu mangngunnu niya eleg kayu manggettang ni aggew ni Sabaduh et ngillinen yu humman ni aggew,

Exodus 31:12

Kan mewan Apu Dios nan Moses ey

Exodus 35:1

Inemung Moses idan emin hu edum tun helag Israel et kantun hi-gaday “Mahapul ni u-unnuden yudda huyyan intugun Apu Dios!

Numbers 15:32

Yan kawedaddan helag Israel di eleg mebebleyi ey wada hu hina-kupan dan an nangyew ey Sabaduh nunman e pi-yew hu mangngunnu.

Isaiah 58:13

Kan mewan Apu Dios ey “Hedin pinhed yun meihhammad hu pekiddagyuman yun hi-gak, ey u-unnud yu etan tugun ni meippanggep ni Sabaduh et beken ni ya pan-am-amlengan yu hu pehebballi yun pehding. Ya pinhed kun ippahding yu, henin nakka pehding, ey ibilang yun importanteh humman ni aggew nem yadda etan edum. Et humman hu, lispituh yu humman ni aggew ma-lat beken ni ya legelegem hu yu enab-abigen, niya beken ni ya ngunu yu, niyadda etan edum ni pinhed yu hu ippahding yu. Hedin hanniman hu pehding yu, man nannana-ud ni bendisyonan dakeyun hi-gak et pambalin dakeyun metbal di kebebbebley, niya pebeltan kun hi-gayu etan puyek ni indawat kun eman ni ammed yu e hi Jacob. Hi-gak ni Ap-Apu hu nanghel ni nunya.”

Jeremiah 17:21

Dengel yu eya e-helek et tumegu kayu! Isiked yun manggettang di eheb ni Jerusalem ni aggew ni Sabaduh.

Ezekiel 20:20

E-helen ku mewan ni hi-gayu e ipahding yudda hu kameunnud ni ngilin ni aggew ni Sabaduh et keang-angan tun yuka u-unnuda hu nekitbalan kun hi-gayu niya mengippenemnem ni hi-gayun hi-gak hu Ap-Apu e Dios yu.’