Exodus 15:5 - Keley-i Bible (Antipolo Ifugao)

⁵ Nalneng ida e henidda batun limmaw di nandallem.

Exodus 15:5 Referans Kwoze

Nehemiah 9:11

Ginedwam mewan etan baybay et mandalan ida tutu-um di mamegan puyek, nem yadda nampamdug ni hi-gada, ey nalsing ida e henidda batun nangkalneng di danum.

Exodus 15:10

Nem inheb-uk mu mewan e Apu Dios, et mandammu etan danum et mangkalsing ida. Et malneng idad baybay e henidda gumek ni nalneng di nandallem.

Ezekiel 27:34

Nem ay yan nunya ey nebahbah ka et itten kan heni ka bapor ni nalneng di dallem ni baybay. Et meendin emin hu hipan wadan hi-gam, anin idan muka pangngunnu.

Revelation 18:21

Entanni mewan ey wada hu makewiging ni anghel ni immalan etteteng ni batu et itengba tud baybay, ey kantuy “Henin nunyalli hu kebahbahan ni bebley di Babilon et endilli law tu keang-angan.

Matthew 18:6

Nem ya etan tuun hi-gatu umhulun ni pengiwwallengan ni pakekulug tun tuka pengullug ni hi-gak, ey heballi ta-yunan buklew tun et-eteng ni batu et an lenengen di baybay.

Micah 7:19

Kami kamedinnel e hehmeken dakemilli mewan et liwwanem idalli liwat mi. Henilli pan-iggasin mudda liwat mi et pan-ibbeng mud edallem ni baybay.

Jonah 2:2

Kantuy “Apu Dios, innang ni metteyyak et nakka pannana-ud ni umlawwak di dungay e bebley idan netey, nem dingngel mu hu dasal ku et ihwang muwak.

Exodus 15:16

Umtatakut idalli gapuh ni et-eteng ni kabaelam, Apu Dios, et humman hu um-eneeneng idalli e endi da pehding ni hi-gami ingganah ni melebbah kamin tuum ni liniblih mud neihbutan mi.

Psalms 106:11

Nem hedin yadda buhul da ey nalsing idan emin et endin hekey hu an natdaan ni hi-gada.

Proverbs 8:24

Em, wineda tuwak dedan ni pangkadwa tu eman ni eleg tu ni panletuan idan baybay ey hebwak,