Exodus 1:16 - Keley-i Bible (Antipolo Ifugao)

¹⁶ “Hedin laki hu i-ungngan biin Hebrew man patey yu, nem hedin bii entan tu patey.”

Exodus 1:16 Referans Kwoze

Exodus 1:22

Entanni law ey in-olden etan ni patul idan tutu-u tu e kantuy “Yu pan-ibbeng ida hu pakeiungngan lalakkin Hebrew di Wangwang e Nile di diman Egypt, nem entan tudda ilegat hu biin pakeiungnga.”

Matthew 21:38

Nem inang-ang idan kamengipappaptek ni nunman ni puyek etan u-ungnga tu et manhuhummangan ida et kanday ‘Immali u-ungnga tun memeltan alin puyek tu. Pandada-da itsu et pateyen tayu et pampuyek tayu eya puyek ni beltanen tu.’

Revelation 12:4

Ginuyud ni ikul tu hu ingkatlun bittuwen di kabunyan et egahen tuddad puyek. Kaum-eehneng di kad-an etan ni biin man-ungnga, tep pinhed tun kennen etan gelang hedin meukkat.

Acts 7:19

Humman ni patul ey namplanuh ni lawah ni pehding tuddan aammed tayu niya makabbunget ni hi-gada. Pinilit tuddan ibbeng da u-ungnga da ma-lat mangkatey ida.

Hebrews 11:23

Anin idan a-ammed nan Moses et ya daka pengullug hu gaputun eleg da takutan ni mengehhing ni olden ni patul e pepettey tun emin hu pakeiungngan laki et itattallu da hi Moses ni tellun bulan. Hakey pay ey yan eman ni neiungngaan tu ey inang-ang idan a-ammed tu e indawtan idan Apu Dios ni kayyaggud ni peteg ni u-ungnga.

Exodus 1:15

Entanni ey minandal etan ni patul etan dewwan Hebrew e di Shiprah nan Puah e hi-gada hu kaumbaddang idan edum dan helag Israel ni man-ungnga. Kantun hi-gaday

Psalms 105:25

Et lektattuy impambalin Apu Dios ni anggebe-hel idan tuud Egypt ida humman ni helag Jacob e tuun Apu Dios, et lawah hu ipenahding dan hi-gada.