Ecclesiastes 2:7 - Keley-i Bible (Antipolo Ifugao)

⁷ Dakel mewan gintang kun himbut, ey hedin nan-ungngadda ey nambalin ida mewan u-ungnga dan himbut ku. Emin ida la nampampatul di Jerusalem ey hi-gak kedaddakkelan hu kalneroh tu niya gelding tu.

Ecclesiastes 2:7 Referans Kwoze

Job 42:12

Binendisyonan Apu Dios hi Job ni daddakkel nem yan nunman, et yan nunya law ey wada hampulut epat ni libun kalneroh tu, enem ni libun kamel tu, dewwan libun baketu niya hanlibun kebayyu tu.

Job 1:3

Wada pitun libun kalneroh tu, tellun libun kamel tu, hanlibun baketu niya limanggatut ni kebayyu tu. Ey dakel bega-en tu. Hi-gatu kekekkeddangyanan idan nambebley di appit ni kasimmilin aggew.

Nehemiah 7:57

Yadda nambangngad ni helag idan bega-en nan patul e hi Solomon: Hi Sotai, hi Sopheret, hi Perida, hi Jaalah, hi Darkon, hi Giddel, hi Sephatiah, hi Hattil, hi Pokeret Hassebaim et hi Amon.

Ezra 2:58

Yadda helag ni kamampangngunnud Tempol et yadda helag idan bega-en nan Solomon ey 392.

2 Chronicles 26:10

Ey nengapyan nehammad ni pangguwalyaan dan bebley idad desert niya nengu-kuddan dakel ni bubun tep dakel ni peteg halun tud hengeg idan duntug di Judah niyaddad nandeklan. Nakappinhed tu mewan hu hipan meitnem, et mukun dakel tuka pangngunnun mampaptek ni legunta tu niya payew tuddad duntug di Judah niyaddad nandeklan.

2 Kings 3:4

Yan nampatulan Ahab ey hi Mesha hu patul di Moab et yadda tutu-u tu ey kamampattul ey ida kaum-idwat nan patul ni Israel ni hanggatut ni libun impah ni kalneroh ni katootoon niya dutdut ni hanggatut ni libun lakin kalneroh.

1 Kings 4:23

hampulun bakan daka ia-allain kennen da, hampulut dewwan bakan kameippattul, hanggatut ni kalneroh niya gelding, yadda makwah, yadda manuk, yadda gawgawa niyadda sisit.

Genesis 14:14

Yan nangngelan nan Abram e impeki-laddan etan ni epat ni patul hi Lot, e pengungngaan tu, ey inemung tudda tuu tun dammutun mekiggubbat, e telunggatut et hampulut walu idan emin, et unuden dadda ingganah di Dan.

Genesis 13:2

Kedangyan ni peteg hi Abram. Dakel hu balituk tu, ya pihhuh tu niyadda animal tu, henin kalneroh, gelding niya baka.

Luke 12:45

Nem hedin kan nunman ni bega-en di nemnem tu ey ‘Anin hipa pehding ku yaggud mebeyyag ali ap-apu mid linawwan tu.’ Et pelilligatan tudda edum tu, niya ebuh hamul niya buttebutteng ni tuka pehpehding. Nem entanni ey immali etan apu da et ha-kupan tu humman ni tuka pehpehding et kastiguen tun henin kastiguddan etan ni eleg mengu-unnud.

Ezra 2:55

Yadda helag ni bega-en nan Solomon: yadda helag di Sotai, hi Hassopheret, hi Peruda,