Ecclesiastes 1:9 - Keley-i Bible (Antipolo Ifugao)

⁹ Humman metlaing hu kamekapkapya e endi edum tep yadda etan neipahding ni nunman hu kameipahpahding ni nunya. Emin hu hipan wadad eyad ta-pew ni puyek ey wada dedan ni nunman.

Ecclesiastes 1:9 Referans Kwoze

Ecclesiastes 3:15

Emin ida etan kameippahding nunya winu meippahding alin edum ni aggew ey neipahding dedan lan nunman, tep kaippenidwan Apu Dios ni pehding ni emin hu kameippahding.

Ecclesiastes 6:10

Emin hu kamekapkapya ey neiplenuh dedan lan nunman. Hi Apu Dios hu nengiplenuh ni pambalinan ni hakey ni tuu, et humman hu, eleg itsu manlillih ni hi-gatu meippanggep ni nunman.

Ecclesiastes 2:12

Kangkud nemnem kuy “Kaw wada eggak ipahding ni ippahding alin meihullul ni hi-gak ni mampatul?” Entanni ey ninemnem ku hedin hipa silbin kinalaing et ya kakulang ni nemnem. Ey huyya nengamtaan ku e

Revelation 21:1

Entanni ey inang-ang ku hu baluh ni kabunyan et ya baluh ni puyek. Neendidda etan nemangulun kabunyan, ya nemangulun puyek niya baybay.

Ecclesiastes 7:10

Endi silbitu hu kaney “Kedukdul la hu biyag ni nunman nem yan nunya?” Tep endi nengamta hedin makulug huyya winu eleg.

Jeremiah 31:22

Entan dedan law keidawwin hi-gak. Pengu-unnud kayu e u-ungngak. Tep wada hin-appil ni pehding kulli ma-lat mekidagyum kan hi-gak e Dios mu.”

2 Peter 2:1

Nem anin ni yan nunman et wadadda etan beken ni makulug ni prophets et hanniman ali dama e wadaddalli etan tuun kaumhaul ni mantuttuddun beken ni makulug ni hi-gayun memahbah ni yuka pengullug. Ituttuddu dallin hi-gayu hu beken ni makulug ni meippanggep nan Apu Jesus e neneklan liwat tayu, tep daka kehhinga, et humman ali umhulun ni anggagannu ey mekastigudda.

Isaiah 43:19

tep wadalli hin-appil ni pehding kun ang-angen yullin endi kei-ingngehan tu. Ey tam deh e kamangkeippahding et yuka ang-ang-anga. Mengapya-ak alin keltad ni dellanen yun tutu-uk di desert et umenamut kayu ey weddaen kuddalli wangwang diman.

Revelation 21:5

Kan etan ni yimmudung ey “Yan nunya ey impebaluh kun emin.” Kantun hi-gak ey “Itudek mu huyya, tep makulug niya kameiddinnel hu nakka e-hela.”

Ecclesiastes 1:10

Wadadda na-mu menghel ni kanday “Yan nunyan ebuh hu wada hanneya.” Nem eleg, tep neipahding dedan lan nunman ni eleg itsu pay ni maiungnga.