Deuteronomy 5:2 - Keley-i Bible (Antipolo Ifugao)

² Yan eman ni kaweda tayud Duntug e Sinai, ey nekitbal hi Apu Dios e Dios tayun hi-gatsu,

Deuteronomy 5:2 Referans Kwoze

Deuteronomy 4:23

Ang-ang yu et eleg kayu mengapyan i-ingngeh ni anin hipan deyyawen yu ma-lat eleg yu ipngil hu nehammad ni nekitbalan yun Apu Dios e Dios yu. Tep eleg pinhed Apu Dios e Dios yun pehding yu humman.

Exodus 24:8

Inlan Moses etan kuheyaw et wakgihan tudda etan tuu e kantuy “Huyyan kuheyaw hu mengippeamta e mahapul ni u-unnuden tayu hu nekitbalan Apu Dios ni hi-gayu eman ni nanghelan tuddan emin eyan tugun.”

Exodus 19:1

Hini-yan idan helag Israel hu Repidim et lumaw idad Sinai e eleg mebebleyi et mangkampu ida etan di hengeg nunman ni duntug. Ey yan nunman ni dintengan dadman ey dewwan bulan hu nelabah neipalpun neni-yanan dan Egypt.

Exodus 34:10

Hinumang Apu Dios hi Moses et kantuy “Ku em tep. Mekittebbalannak ni nunyan hi-gayuddan helag Israel. Emin kayu ey ang-angen yuddalli kamengippetngan pehding kun panyaggudan yun endi henin nunman ni neipahding di edum ni bebley eyad puyek. Hi-gak e Ap-Apu yu ey pehding kuddalli humman et ang-angen alin emin ni tuu.

Deuteronomy 5:1

Inemung Moses ida etan tuu et kantun hi-gaday “Pakadngel yun emin ida eya Tugun Apu Dios ni e-helen kun hi-gayun nunya, ma-lat amtaen yudda et u-unnuden yu.

Deuteronomy 29:1

Huyyadda Tugun Apu Dios ni e-helen Moses idan helag Israel di duntug di Moab et mei-dum etan idad inhel tun pehding dan nekitbalan tun hi-gadad Duntug e Sinai.

Jeremiah 31:32

Nem beken ni henin nekitbalan kudda lan aammed da eman ni nengipenguluan kun hi-gadan neni-yanan dan Egypt tep eleg da pannananeng ni u-unnuden hu nekitbalan kun hi-gada, et mukun inwalleng kudda, anin ni ida kamei-ellig ni ahwak.

Jeremiah 34:13

ni hi-gak et kantuy e-helen kuddan tutu-u huyyan inhel tu “Hi-gak e Ap-Apu e Dios idan helag Israel ey nekitballak ida lan aammed yu eman ni nengipenguluan kun hi-gadan neni-yanan dan Egypt et mepappeg neihbutan dadman. Kangkun hi-gaday:

Malachi 4:4

Mahapul ni nemnemen yu et u-unnuden yudda intuttudduk ni pehding yu niya Tugun kun indawat kun bega-en ku e hi Moses di Duntug e Sinai e humman ida hu u-unnuden yun emin ni helag Israel.

Deuteronomy 1:6

Kantun hi-gaday “Yan eman ni kaweda tayud Duntug e Sinai ey kan Apu Dios tayuy ‘Nebayag kayu law ni nanha-ad di deya.

Deuteronomy 4:13

Nehammad hu nengi-hel tun nekiungbalan tun hi-gayu e mahapul ni u-unnuden yudda etan Hampulun Tugun tun intudek tud dewwan nedampillag ni batu.

2 Kings 17:35

Yan eman ni nekitbalan Apu Dios idan helag Jacob ey kantun hi-gaday “Entan tu dayaw hu edum ni dios, entan panyuung yun hi-gada winu pansilbin hi-gada.

Jeremiah 11:4

aammed da eman ni nengipenguluan kun hi-gadan neni-yanan dan Egypt e bebley ni nanhelheltapan dan kamei-ellig ni kaumhihinyab ni apuy. Inhel kun hi-gada e hedin mengu-unnud idan hi-gak niya ippahding dan emin hu pinhed kun pehding da, ey hi-gada tutu-uk ey hi-gak hu Dios da.