Deuteronomy 34:1 - Keley-i Bible (Antipolo Ifugao)

¹ Nalpu hi Moses di nandeklan di Moab, et manteyed di Duntug e Nebo et tagan tu teyed ingganah etan di ta-pew ni Duntug e Pisgah e demang ni Jericho. Et peang-ang Apu Dios ni hi-gatun emin ida bebley di Kanaan, meippalpud Gilead ingganah di Dan,

Deuteronomy 34:1 Referans Kwoze

Revelation 21:10

Pinhakkey mewan ey inlaw da-ak etan ni anghel di tuktuk ni eta-gey ni duntug et itudu tun hi-gak hu Jerusalem e bebley tun kamangkelpullid kabunyan.

Ezekiel 40:2

Inlaw tuwak di ta-pew etan ni eta-gey ni duntug et nak i-ang-ang di appit ni south ey wada inang-ang kud hinangngab kun bebley ni dakel baballey.

Joshua 19:47

Huttan ida etta-teng ni bebley ni neidwat idan helag Dan ni pambebleyan da. Nem entanni ey eleg da kabaelan ni sekkupen humman idan bebley ni neidwat ni hi-gada et dadda law gubaten hu nambebley di Lais. Hinggep da humman ni bebley et patyen dadda tutu-udman et pambebleyan da law humman et hullulan da ngadan tun Dan e humman ngadan ni ammed dan nahlagan da.

Deuteronomy 32:49

“Lakkay di Moab idad Duntug e Abarim et manteyed kad Duntug e Nebo e demang ni Jericho, ma-lat man-ang-ang kad Kanaan e humman hu bebley ni iddawat kuddan helag Israel,

Numbers 27:12

Hakey ni aggew ey kan Apu Dios nan Moses ey “Panteyed kad ta-pew ni Duntug e Abarim di appit ni kasimmilin aggew, et ang-angen mu hu bebley ni iddawat kuddan helag Israel.

Judges 18:29

Nginadnan dan Bebley Dan e ngadan ni apu da e u-ungngan Jacob nem Lais la ni ngadan tu.

Deuteronomy 34:4

Kan Apu Dios nan Moses ey “Humman ida bebley ni inhel kud Abraham, hi Isaac et hi Jacob, ni iddawat kun helag da. Peang-ang kun hi-gam, nem eleg daka pedetteng diman.”

Deuteronomy 32:52

Et humman hu, uhdungam ni ebuh humman ni bebley. Nem eleg ka mabalin ni umlaw di diman ni pambebleyan idan helag Israel.”

Deuteronomy 3:27

Eggak i-abulut ni ka man-agwat di Wangwang e Jordan. Lakkay di ta-pew ni duntug e Pisgah et man-uhdung ka et ang-angem idan emin hu bebley ni nanlinikweh di Kanaan.

Numbers 33:47

Entanni et lumaw idad duntug di Abarim e neihnup di Duntug e Nebo et mangkampuddadman.

Numbers 21:20

et lumaw idad nedeklan di Moab di ehpen ni Pisgah e duntug e kameuhdungi etan eleg mebebleyi.

Genesis 14:14

Yan nangngelan nan Abram e impeki-laddan etan ni epat ni patul hi Lot, e pengungngaan tu, ey inemung tudda tuu tun dammutun mekiggubbat, e telunggatut et hampulut walu idan emin, et unuden dadda ingganah di Dan.

Genesis 13:14

Yan eman ni nan-appilan di Abram nan Lot, ey kan Apu Dios nan Abram ey “Pan-ang-ang-ang kad nanlinikweh ingganah di pappeg ni han-ang-ang mu.

Numbers 23:14

Impangulu tu hi Balaam di Sophim e ta-pew ni Duntug e Pisgah. Kinapya tu mewan hu pitun pan-appitan diman et man-appit ni hanhakkey ni bulug ni baka niya hanhakkey ni lakkitun kalneroh.