Deuteronomy 3:8 - Keley-i Bible (Antipolo Ifugao)

⁸ Et yan nunman ey sinekup tayu humman idan bebley ni dewwan patul idan Amorite di appit ni kasimmilin aggew di Wangwang e Jordan meippalpud Wangwang e Arnon ingganah di Duntug e Hermon.

Deuteronomy 3:8 Referans Kwoze

Joshua 12:1

Sinekup ida dedan helag Israel etan ida bebley di appit ni kasimmilin aggew di Wangwang e Jordan meippalpud Nedeklan e Arnon ingganah di nandeklan di Jordan et mampalaw lad appit ni north di Duntug e Hermon et pambebleyan da. Inapput dadda etan dewwan patul e

Joshua 13:8

Ya etan puyek di appit ni kasimmilin aggew di Wangwang e Jordan ey indawat Moses, e bega-en Apu Dios, idan helag Reuben, yadda helag Gad et yadda kagedwah ni helag Manasseh.

1 Kings 4:19

Hi Geber e u-ungngan Uri hu gobernor idan bebley di Gilead e nan-ap-apuan lan Sihon e patul ni iAmor et hi Og e patul ni iBashan. Ey wada pay hu pinutuk Solomon e patul ni hakey ni man-ap-apuddan emin ni bebley di Judah niyad Israel.

Psalms 42:6

Apu Dios, iyyadyan nemahhig hu nakka lelemyungid kamantu-tu-nud ni ligat kun kamei-ellig di kamambungngug ni elwang di duntug di Hermon niyad Misar niya kamambungngug ni danum di Wangwang e Jordan. Nem anin ni hanniman et eggak liwwana hu binabbal mun hi-gak.

Psalms 89:12

Em, hi-gam nanletun emin, anin idan wadad north niyad south. Anin idan Duntug e Tabor niyad Hermon, et heni daka i-ena-appeh hu daka penaydayaw ni hi-gam.

Deuteronomy 4:47

Sinekup da humman ni bebley tu et ya bebley nan Og e patul di Bashan. Hi-gadan dewwa hu patul idan nunman ni bebley di appit ni kasimmilin aggew di Jordan.

Deuteronomy 4:48

Yadda bebley ni sinekup da ey meippalpud Aroer di gilig ni Wangwang e Arnon ingganah di duntug e Sirion e Hermon hu hakey ni ngadan tu.

1 Chronicles 5:23

Dimmakkel idan peteg hu kagedwah ni helag Manasseh ni nambebley di appit ni kasimmilin aggew et ida mampambebley etan di bebley ni meippalpud Bashan ingganah di Baal Hermon, yad Senir niyad Duntug di Hermon.