Deuteronomy 26:16 - Keley-i Bible (Antipolo Ifugao)

¹⁶ Yan nunya ey immandal Apu Dios e Dios yun u-unnuden yun emin hu Tugun tu. Ey mahapul ni ihhammad yun mengu-unnud ni hi-gatu.

Deuteronomy 26:16 Referans Kwoze

John 14:15

Ka-immatun hedin pinhed yuwak tep u-unnuden yu hu tugun kun hi-gayu.

Deuteronomy 12:1

Dengel yudda huyyan intugun kun nunya et u-unnuden yun ingganah di bebley ni yu pambebleyan ni indawat Apu Dios e Dios yun eman idan a-ammed yu.

Matthew 28:20

Ituttuddu yun emin ni tuu e mahapul ni u-unnuden dan emin hu intugun kun hi-gayu et wada-ak ni hi-gayun kenayun ingganah ni kepappegan eyan puyek.”

Deuteronomy 12:32

Nemnem yu nisidda eya intugun ku et u-unnuden yu, nem entan tu edumi ey entan tu ekali.

Deuteronomy 11:8

Et humman hu, peka-u-unnud yun emin hu intugun kun hi-gayun nunya, ma-lat na-let kayun umlaw etan yu pambebleyan,

Deuteronomy 11:1

Mahapul ni pinheden yu hi Apu Dios e Dios yu, ey u-unnuden yun ingganah Tugun tu.

Deuteronomy 8:2

Nemnem yu impahding Apu Dios e Dios yun nengipengulun hi-gayud eleg mebebleyin na-pat ni toon, ma-lat tuttudduan dakeyun mampekumbabah ni nengidwatan tun hi-gayun dakel ni ligat ni pematna tun hi-gayu hedin u-unnuden yu tugun tu winu eleg.

Deuteronomy 6:17

Paka-u-unnud yudda intugun Ap-Apu e Dios yun hi-gayu.

Deuteronomy 6:5

Pakappinheden yu hi Ap-Apu e Dios yud puhu yu, yad nemnem yu niyad emin ni yuka pehding.

Deuteronomy 6:1

Negibbuh ni inhel Moses emin hu Tugun Apu Dios, et kantudda etan ni tuu ey “Huyyaddan emin hu tugun Ap-Apu e Dios yun inhel tun ituttudduk ni hi-gayun u-unnuden yud yu pambebleyan,

Deuteronomy 4:29

Hedin manhelheltap kayullin edum ni aggew, man heppulen yulli law hi Apu Dios e Dios yu. Ey hedin makulug ni heppulen yud puhu yu niyad nemnem yu hi Apu Dios e Dios yu, ey hemmaken yu ma-lat mambangngad kayu law ni mandeyyaw niya mengu-unnud ni hi-gatu.

Deuteronomy 26:17

Hinammad yun nunyan aggew ni inhel e hi Apu Dios hu Dios yu, ey u-unnuden yu emin hu Tugun tu niya ippahding yu e-helen tun pehding yu.

Deuteronomy 10:12

Et yan nunya, hipadda inhel Apu Dios e Dios yun pehding yu? Mahapul ni tekkutan yu hi Apu Dios e Dios yu, u-unnuden yun emin hu pinhed tu, daydayawen yu ey pinpinheden yud emin ni nemnem yu niya puhu yu.