Deuteronomy 11:11 - Keley-i Bible (Antipolo Ifugao)

¹¹ Nem humman ni bebley ey wadadda duntug ey wada nedeklan ey kadennumin udan.

Deuteronomy 11:11 Referans Kwoze

Hebrews 6:7

Ya tuun hanniman ey mekastigu, nem yadda etan tuun pannananeng dan u-unnuden hi Jesus ey meidwatan idan panyaggudan da. Tep ya kei-elligan tu huyya ey ya etan puyek ni kameuddanin kenayun et kayyaggud kaillameh ni kameitnem diman, ey ippaptek Apu Dios humman ni puyek.

Genesis 27:28

Peellin Apu Dios ali udan di payew mu niya peyaggud tu iggaud mu ma-lat dakel ali ennien mu niya dakel ali innumem.

Jeremiah 2:7

Impanguluk idad bebley ni mateba kameitnem ma-lat umamleng ida tep ya dakel ni daka ennia et yadda edum ni wadadman ni panyaggudan da. Nem binahbah da ey hinibit da kumedek et mambalin ni lawah ni peteg humman ni bebley ni indawat kun hi-gada.

Isaiah 28:1

Nanna-ud ni mebahbah etan et-eteng di bebley e Samaria. Kayyaggud ni peteg ang-ang tu niya nedeklan e mateba kameitnem, nem nanna-ud ni mebahbah ali humman ni bebley ni kaigaggayaddan kamambuttebutteng ni aap-apun nunman ni bebley. Em, nanna-ud ni meendilli kakinayyaggud ni ang-ang tu, e heni nakling ni habung.

Deuteronomy 11:10

Beken ni henid Egypt humman ni bebley ni yu pambebleyan, tep eleg mahapul ni ellaken yu danum et palaw yuddad garden yu.

Psalms 68:9

Ey yan kawedaddan tuum di nambebleyan dan indawat mu ey impaelim mewan hu udan ni makahhapul da, et yumaggud hu bebley da. Anggehemmek ida, nem impanyaggud mu hu intanem da tep ya binabbal mun hi-gada.

Ezekiel 36:4

Et humman hu, hi-gayun duduntug, yadda nansigging, niyadda nangkedeklan niya hi-gayuddan nangkebahbah niya nangkebel-ah ni nan-inhihi-yanan dan bebley ni kapan-impipihuliddan kebebbebley di nanlinikweh, dengel yu eya e-helen ku e Eta-gey ni peteg ni Ap-Apu: