Deuteronomy 10:11 - Keley-i Bible (Antipolo Ifugao)

¹¹ Entanni ey inhel Apu Dios ni hi-gak e ippangulu dakeyu et kayu mambebley di inhel tudda lan aammed tayun iddawat tun pambebleyan yu.

Deuteronomy 10:11 Referans Kwoze

Exodus 33:1

Kan mewan Apu Dios nan Moses ey “Hi-gam niyadda edum mun helag Israel ni impangulum ni nalpud Egypt, hi-yan yu Sinai et lumaw kayu etan di bebley ni insapatah kun Abraham, hi Isaac et hi Jacob ni pebeltan kun helag da.

Exodus 32:34

Lakkay kuma et ipengulum ida et lumaw kayu etan di bebley ni inhel kun nunman ni lawwan yu, yaggud wada hu anghel kun mengippaptek ni hi-gayu. Nem kastiguen kuddalli huttan ni tuu gapuh ni nunman ni impahding da.”

Deuteronomy 10:10

Inhel ku lan nunman e nanha-addak ni na-pat ni aggew et na-pat ni hileng di kad-an Apu Dios e heni lan laputu. Ey kayyaggud et dingngel mewan Apu Dios hu dasal ku et eleg dakeyu bahbahen.

Deuteronomy 10:12

Et yan nunya, hipadda inhel Apu Dios e Dios yun pehding yu? Mahapul ni tekkutan yu hi Apu Dios e Dios yu, u-unnuden yun emin hu pinhed tu, daydayawen yu ey pinpinheden yud emin ni nemnem yu niya puhu yu.

Deuteronomy 1:8

Huyyadda hu bebley ni insapatah kun iddawat kuddan aammed yu e di Abraham, hi Isaac et hi Jacob et yadda helag da. Elaw kayu et yu pambebleyan.’”