Daniel 7:16 - Keley-i Bible (Antipolo Ifugao)

¹⁶ Et meihnuppak etan ni hakey ni kaman-eh-ehneng diman et ibegak ni hi-gatu hedin hipa keibbellinan idan nunman ni nak ini-innep. Ey kantun hi-gak ey

Daniel 7:16 Referans Kwoze

Revelation 5:5

Nem kan etan ni hakey ni ap-apun hi-gak ey “Isiked mun umnangih. Dammutun kabaelan etan ni kameingngadnin Layon ni nalpud helag nan Judah e helag nan David. Tep inapput tun emin hu lawah, et dammutun han-ekal tu etan pitun impamket da etan ni papil ma-lat ukyaden tu.”

Sekariah 2:3

Entanniy inang-ang ku etan anghel ni nekihummangan ni hi-gak e kamengelli ey wada mewan hakey ni anghel ni kamangkeiddammun hi-gatu.

Daniel 7:10

Et henilli danum ni kamambulbulubul di wangwang hu apuy ni kameukkat etan di yinudungan tu. Wadadda kalibulibun anghel di kad-an tun daka pan-ippahding hu neitudun ngunnuen da. Niya immen ida damad hinangga tu hu kemilyomilyon ni kamenehhegged hedin hipa hu e-helen tun pehding da. Entanni ey neilepu law hu panhummalyaan etan ni huwet ey nebekyag ida etan libluh tu.

Sekariah 3:7

“Heninnuy hu kan Apu Dios e Kabaelan tun emin! Kantuy: Hedin u-unnudem mu hu tugun ku niya pehding mu pinhed ku, ey hi-gam hu mannananeng ni mengippaptek ni Tempol ku, anin etan ni dallin tu. Niya iddawat kun hi-gam hu kelebbengan ni mekihhummangan ni hi-gak henidda eyan aanghel kun kaman-eh-ehneng.

Daniel 9:22

Kantun hi-gak ey “Immali-ak ma-lat baddangan dakan et awatan mudda etan ini-innep mu.

Daniel 7:17

‘Ya kei-elligan ida etan ni epat ni etta-teng ni anggetakkut ni animal ey humman idalli epat ni bebley ni man-ap-apu eyad puyek.

Daniel 8:17

Immali hi Gabriel et meidagsin hi-gak ey netukkaddak ni takut ku. Et kantun hi-gak ey “Hi-gam e tuun ebuh, ey mahapul ni ewwatam e huyyan inang-ang mud i-innep mu, ey humman idalli hu mekapkapyallin kepappegan ni puyek.”

Sekariah 1:19

Kangku etan ni anghel ni kamekihuhhummangan ni hi-gak ey “Kele wadadda huyya?” Ey kantun hi-gak ey “Huyyaddan ha-duk hu mengi-ehneng idan epat ni et-eteng kabaelan dan bebley eyad puyek ni nengiwehit idan iJudah, yadda iIsrael niyadda iJerusalem.”