Daniel 6:18 - Keley-i Bible (Antipolo Ifugao)

¹⁸ Nambangngad hi Darius di baley tu, nem eleg mangan niya eleg um-ali ugip tun nunman ni hileng. Ey eleg tu pinhed ni wada mengippeamleng ni hi-gatu.

Daniel 6:18 Referans Kwoze

Daniel 2:1

Yan eman ni meikkadwan toon ni nampatulan Nebukadnessar ey wada ini-innep tun tuka pannenemnem et eleg meuggip.

Esther 6:1

Yan nunman ni hileng ey eleg um-ali ugip nan patul et itu-dak tu hu hakey ni bega-en tun an mengella etan ni neitudekan emin ni kamekennapkapyad nan-ap-apuan tu, et ibidbid dan hi-gatu.

Psalms 77:4

Eleg um-ali ugip ku tep nemahhig ni kamemunnumunnu hu nemnem ku et eleg meibbehwang hu pinhed kun iddasal nan Apu Dios.

Revelation 18:22

Yadda etan nangkelaing ni man-a-appeh niyadda etan nangkelaing ni manggitalah, yadda etan amta tu mantullaling niyadda etan amta dan mantangguyup ey endilli da kedngelan mewan etan di bebley. Ey endilli law mangngunnungunnudman niya endilli medngel ni mambeyyudman e bebley.

Ecclesiastes 2:8

Nan-i-liddan ap-apud edum ni bebley hu balituk, yadda silber niyadda nangkenginan batu. In-ena-appehan da-ak idan lalakki niyadda bibi-in nelaing ni man-a-appeh, ey dakel hu kakat-agun bibi-in imbilang kun ahwak. Emin ida huyya ey kamengippeamleng ni hi-gak.

Psalms 137:2

Nan-ihabley midda hu gitalah middad keyew ni willow,

Job 21:12

Ida kamenattayyaw, ida kaumgeniggittalah niya ida kaum-ena-ayyuding.

1 Kings 21:27

Dingngel Ahab humman ni inhel Elijah ey bini-ki tu balwasi tu et mambalwasin langgusi ey eleg mammangngan. Tuka i-ugip etan langgusin balwasi tu ey kamandaladalan e kaumlelemyung.

2 Samuel 19:24

Entanni ey immali hi Mepiboset, e inap-apun eman lan nan hi Saul, et tu dammuen dama hi David. Eleg tu ipaptek hu annel tu neipalpu eman ni neni-yanan David ni Jerusalem. Eleg tu ulahan heli tu, ey eleg tun hekey ibalbalbal hu balwasi tu niya eleg tu kep-uhan iming tu.

Daniel 6:19

Newa-wan nunman et humelaman hi patul di kubkubban idan layon et papuut tun an menang-ang hedin hipa hu neipahding nan Daniel.

Lamentations 3:53

Imbeng da-ak di neku-kuan et pande-hilan da-ak ni batu.