Colossians 2:4 - Keley-i Bible (Antipolo Ifugao)

⁴ Inhel kun hi-gayu huyya ma-lat eleg kayu maheul hedin wadadda um-alin mantuttuddun hin-appil, anin ni kayyaggud daka penappihappit.

Colossians 2:4 Referans Kwoze

1 John 4:1

Hi-gayun kaegiegi, ey entan tu kulug hu linggeman ni tuun menghel ni wada hu Ispirituh Apu Dios ni hi-gatu. Nem patnai yun ibbag-an hedin makulug ni nalpun Ispirituh Apu Dios humman ni tuka ituttuddu winu eleg, tep dakel ida limmaw di kebebbebley ni an mantuttuddun itek. Kanday prophets ida, nem beken kaya.

Ephesians 4:14

Tep lawah hu heni itsu u-ungngan nelakah ni medinni e hedin wada immalin mantuttuddun hin-appil, ni kinulug tayu anin ni neihla hu daka ituttuddu.

Matthew 24:4

Ey kan nan Jesus ni hi-gaday “Helipat-i yu ma-lat eleg kayulli maheul.

2 John 1:7

U-unnud tayu huyyan tugun tep ay dakel ida law di kebebbebley hu mangkaheul e eleg da ebbuluta e nangkapyan tuu hi Jesus Christo. Humman idan mangkaheul ey buhul idan Jesus Christo.

Mark 13:22

Tep dakel ali hu menghel e kanday hi-gada hi Christo ey yaddalli edum ey kanday prophets ida. Ipahding dalli kaketngain tuu niya peang-ang dalli hu et-eteng ni kabaelan da, et humman hu, gullat ni mabalin et, anin idallin tuun Apu Dios et mehe-ul ida.

2 Timothy 3:13

Yadda etan tutu-un kamantuttuddun hin-appil e daka he-ula edum dan tuu ey he-ulen daman Satanas ida et ihhi-met da kalinawah da.

2 Timothy 2:16

Entan tu deddengngel ida kameituttuddun beken ni keiddeyyawan Apu Dios, tep endi silbiddan nunman, nem umhulun kumedek ni kebahbahan ni kapengulug idan edum.

Ephesians 5:6

Entan kaheul yudda etan ni tuun kanday beken ni lawah ida huyya, tep nemahhig bunget Apu Dios idan mengippahding ni heniddan nunyan liwat et kastiguen tudda.

Acts 20:30

Anin hi-gayu et wadaddalli edum yun man-ittek et hehwien dalli eya kameituttuddun makulug ni meippanggep nan Jesus ma-lat wada mengu-unnud ni hi-gada.

Revelation 20:3

Bingkah tu etan di bitu et ilekbi tu et ialladdu tu ma-lat eleg an humeuheul ni tuud puyek. Pakkaw melebbah hanlibun toon et han-ali mewan maibukyat ni nekemtang.

Revelation 13:8

Emin ida tuud puyek ey daydayawen dalli huyyan heni animal ni anggetakkut. Ebuh idalli etan neitudek hu ngadan dad libluh ni kakeittuddekiddan tuun wada biyag dan endi pappeg tu hu eleg menaydayaw ni hi-gatu. Ya etan libluh ey neitudek et han maweda emin eya wadan nunya. Ya kanlibluh nunman ey ya etan kameingngadnin Impah ni Kalneroh e pintey dan nunman.

Revelation 12:9

et egahen daddad puyek. Humman ni dragon etan la uleg nunman, e hi-gatu etan dimonyoh e hi Satanas e kaumhauhaul ni tuud puyek.

1 John 2:26

Huyyan intudek ku ey humman idalli hu tuun mengippatnan mene-ul ni hi-gayu.

1 John 2:18

Kaegiegi, kamangkedettengi law hu kepappegan ni puyek. Diddingngel yu e wadalli etan um-alin buhul Christo. Et yan nunya, ey wadadda law hu dakel ni buhul tu, et huyya pengamtaan tayu e kamangkedettengi law kepappegan ni puyek.

Colossians 2:18

Entan tu kukkullug ida etan kamemihhul ni yuka pengullug e kanday nehammad hu daka pengullug. Tep hedin hi-gada, ey heni daka pebabah numan hu annel da tep dakel hu daka pi-yewa niya kanday daka daydayawadda anghel. Nem ya kakulugan tu ey daka peta-gey annel da, tep kanday wada daka ang-angad i-innep da, ey humman man anhan hu daka importantehan ituttuddu. Nem ya gaputun daka pannemnemiddan henin nunya ey tep eleg mabeliwan hu nemnem da.

Colossians 2:8

Helipat-iyu ma-lat eleg kayu maheul idan um-alin mantuttuddun beken ni makulug. Tep ma-nut nekallaing idan umhapit, nem eleg malpun Jesus Christo hu daka ituttuddu, tep nalpud tuu et yadda dimonyoh ni kaumhaul ni tuud kebebbebley.

Galatians 2:4

Wadadda etan nei-dum ni kahingkukkullugan dan Jesus e kanday mahapul ni mekuggit hi Titus, nem eleg mi abuluten. Nekiammuammung ida humman ni tuun hi-gami, tep pinhed dan bahbahen hu neliblihan tayud elaw ni Jews tep nengulug itsun Jesus Christo. Ya pinhed da ey hi-gada hu meu-unnud.

2 Corinthians 11:3

Ma-nu tep inamtak e neikahhakey hu impeminhed yun Jesus niya hi-gatun ebuh hu inu-unnud yu, nem ay nakka umkakaguh ni kehe-ulan yudda etan di beken ni makulug hu daka ituttuddu, et heni kayullin Eva e nehaul ni itek etan ni uleg.

1 Corinthians 2:4

Nelakah ni neawatan yu hu intuttudduk ni hi-gayu, et mangulug kayu gapuh ni et-eteng ni kabaelan ni Ispirituh Apu Dios, anin ni beken ni henin kapan-e-ehhel ni mahepit hu nenuttudduk ni hi-gayu.

Matthew 24:24

Tep wadaddalli tuun kanday hi-gada hi Christo niya kan alin edum ey prophet ida. Ippahding dalli kaketngain tuu niya peang-ang dalli hu et-eteng ni kabaelan da. Et humman hu, gullat ni dammutu et, anin idallin tuun Apu Dios et mehe-ul ida.

Ephesians 4:17

Huyya e-helen kun hi-gayu: Ya pinhed Apu Jesus ey entan tu law iu-unnud di elaw idan eleg mengullug, tep neihla daka pannemnem,