Amos 7:8 - Keley-i Bible (Antipolo Ifugao)

⁸ Kantun hi-gak ey “Hipa eya muka ang-ang-anga e Amos?” Kangkuy “Pelsik.” Ey kantuy “Huyya ussalek ni mengippeang-ang idan tutu-uk e ida kamei-ellig di netuping ni luhud ni eleg mampetek. Eleggak law mantuttuyyun mengastigun hi-gada.

Amos 7:8 Referans Kwoze

Amos 8:2

“Hipa inang-ang mu e Amos?” Hinumang ku e kangkuy “Inang-ang ku hu basket ni napnun nelutun lameh ni keyew.” Kan Apu Dios ni hi-gak ey “Kamei-ellig ida tuuk ni iIsrael di nelutun lameh ni keyew, tep nedateng law aggew ni kekastiguan da. Eleggak a-ayyapawa pengastiguak ni hi-gada.

Lamentations 2:8

Impanna-ud dedan lan Apu Dios e pakabbahbahen tu hu luhud ni Jerusalem. Ey naka-iplanuh tu pehding tun memahbah idan tutu-u tu. Et peamnu tu et matleb ida binattun luhud niya netu-lidda eta-gey ni baley et mannaneng idan meihanniman.

Jeremiah 15:6

Inwalleng yuwak ey eleg yuwak nemnema. Et humman gaputun pemahbahan kun hi-gayu. Eleg dakeyu hehmeka tep eggak law han-isipel hu bunget ku.

Micah 7:18

“Endi hu Dios henin hi-gam e Ap-Apu. Muka liwwana liwat min tutu-um ni natdaan. Eleg mu pannananeng bunget mun hi-gami, tep kaka man-am-amleng ni mengippeang-ang ni hemek mun hi-gami.

Isaiah 28:17

Ya meandeng ni kapehding niya kakinayyaggud hu keippuunan ni pengibbehwatak ni nunya. Peellik ali dallallu niya elwang et pan-ideplug tudda itek ni yuka pandinneli.

2 Kings 21:13

Kastiguen ku hu Jerusalem henin impahding kun Samaria ey henin impahding kun patul ni Israel e hi Ahab et yadda helag tu. Endiek hu tutu-ud Jerusalem e kamei-ellig ni pakadda-nihak et henin duyun nakadda-nihan et meihakkub.

Sekariah 5:2

Kan etan ni anghel ni hi-gak ey “Hipa muka ang-ang-anga?” Kangkuy “Wada kamantayyatayyab ni neludun ni papil ni telumpulun piyeh kadinukkey tu niya hampulu et liman piyeh kalinakkeb tu.”

Isaiah 34:11

Yaddalli akup, yadda gawwang niyadda edum ni kaman-ayyam di puyek hu meihhullul ni manha-ad diman ni bebley, tep e-wayen alin Apu Dios humman ni bebley et metawwey.

Amos 7:7

Entanni mewan ey wada impeang-ang Apu Dios ni hi-gak. Inang-ang ku kumangngu hi Apu Dios ni kaman-eh-ehneng di dagsi etan ni netuping ni luhud ni nepelsik. Wada singnged tun pemelsik tu ma-lat ang-angen tu hedin neandeng hu nengapya dan nunman ni luhud.

Sekariah 4:10

Entan tu pihul eya ekket ni neilepun neingunu, tep hi-gak ey nakka man-an-anlan menang-ang e nelapuan hu ngunu. Niya man-an-anladdalli tuu hedin ang-angen da hi Serubbabel e singnged tu panlelkud.” Entanni ey inhel etan ni anghel hu keibbellinan etan ni impeang-ang tun hi-gak e kantuy “Humman idan pitun kengkeh ey heni humman ida matan Apu Dios ni kamenang-ang-ang ni kapehpehding idan tutu-ud kebebbebley.”

Hosea 1:6

Entanniy newad-an mewan hi Gomer et man-ungngan bii. Et kan Apu Dios nan Hosea ey “Ngadanim ni Lo-Ruhamah. Ya keibbellinan tu ey ‘Endi neminhed ni hi-gatu,’ tep endi law nak peang-ang ni impeminhed kuddan iIsrael niya eggak law pessinsahi liwat da.

Sekariah 4:2

Ey kantun hi-gak ey “Hipa muka ang-ang-anga?” Kangkuy “Nakka ang-ang-anga hu pattukkan ni kengkeh ni nekapyad balituk niya neita-pew hu mahukung ni duyun neha-adan ni lana. Wada hu pitun kengkeh di nanlinikweh nunman ni mahukung ni duyu e nei-peng hu pitu mewan ni neidengdeng ni neha-adan ni mitsah.