Amos 6:3 - Keley-i Bible (Antipolo Ifugao)

³ Eleg yu pinhed ni nemnemnemen hu kedettengan ni aggew ni kekastiguan yu, nem anggegannulli ey nedatngan tep lawah yuka pehpehding.

Amos 6:3 Referans Kwoze

Amos 9:10

Nem mettey idad gubat hu tutu-uk ni nakalliwtan e kanday ‘Eleg i-abulut Apu Dios ni an meippahding hu lawah ni hi-gatsu.’”

Isaiah 56:12

Kan idan nunman ni aap-apuy “Tagan tayu inum ingganah mekabbutteng itsu! Nanna-ud ni i-imman hu biyag tayun kabbuhhan nem yan nunya.”

Ezekiel 12:27

“Hi-gam e helag ni tuu, kan idan tutu-u ey ‘Ayepaw ali mannuman hu keippahdingan ni nunman ni impeamta tu!’

2 Peter 3:4

et kandallin hi-gayuy “Attu mewan et kamambangngad hi Jesus Christo ey? Tam neipalpun nunman ingganah nunya e nangketey ida hu aammed tayuddan nangkebayag ey nanengtun humman dedangngu eyadda wadad puyek meippalpu eman ni newad-an ni emin? Huyya keang-angan tun eleg um-ali hi Jesus.”

1 Thessalonians 5:3

Emin idalli tuu ey ida kamakaddinnel tep ya daka pannemnem ey melinggep ida niya endi lawah ni meippahding ni hi-gada, nem eleg da amta e pinhakkeyey kinastigun Apu Dios ida et eleg mabalin ni ida meihwang. Henin nambutsug ni bii e nanna-ud ni heltapen tu degeh ni pan-ungngaan tu.

Matthew 24:48

Nem hedin lawah nemnem etan ni bega-en et kantuy ‘Anin hipa pehding ku yaggud mebeyyag ali ap-apu mid linawwan tu.’ Et pelilligatan tudda edum tu, niya ebuh hamul niya buttebutteng ni tuka pehpehding.

Amos 3:10

Kan Apu Dios ey “Huyyaddan tutu-u ey daka pepnua hu etta-teng ni baballey dan hipan ngunut da, nem beken ni limpiyuh nengal-an da tep inla dadda humman di takew niya papatey. Eleg da dedan amta hu limpiyuh ni pehding.

Ezekiel 12:22

“Hi-gam e helag ni tuu, kele heninnuy hu keene-ehheladdan iIsrael e kanday ‘Mengmenglaw mannuman hu aggew ey eleg um-amnu hu inhel dan meippahding.’

Revelation 18:17

Nem ay pinhakkeyey attukaw idan emin humman ni kinedangyan da!” Emin ida etan kamampangngunnud bapor di baybay niyadda etan wada kalga dad bapor ey eleg idalli meihehhennup.

Amos 6:12

Kaw dammutun mambebsik hu kebayyud mabetu? Niya kaw dammutun man-elladudman? Heni endi nemnem ni mengibgan nunya. Nem henin nunya yuka pannemnem e yuka pambalin hu limpiyuh ni kapehding ni heni kedet, niya yuka pambalin ni neihla hu neiptek.

Amos 5:18

Anggehemmek kayullin kamenehhegged ni ellian Apu Dios! Kele yuka abtui ellian tu? Kaw kanyu nem hedin um-ali, man kayyaggud meippahding ni hi-gayu? Henilli mannuman engeenget ni nunman ni aggew ni ellian tu.

Amos 5:12

Inamtak e himmalla liwat yu niya inamtak ida etan lawah ni impahding yun edum yu. Yuka panliligat ida limpiyuh ni tuu ey yuka ebbuluta pemeyyad dan hi-gayu ma-lat man-itek kayu et eleg maipahding hu limpiyuh. Hi-gayu kaumhani et eleg ida law han-alan nangkewetwet hu kelebbengan dad korteh.

Isaiah 47:7

Kanyu nem man-ap-apu kayun ingganah di kebebbebley. Eleg yu nemnemen hu meippahding alin edum ni aggew.

Ecclesiastes 8:11

Mukun kaippahding ni tuu hu lawah ey tep eleg mei-indah hu kastigu da. Et humman hu, kanda na-mu nem eleg ida mekastigu anin ni ippahding da lawah.

Psalms 94:20

Eleg mudda ebbuluta hu aap-apun daka panligligat hu edum dan tuu e daka pepillit ni u-unnuden hu beken ni limpiyuh ni olden da.

Lamentations 4:5

Anin idan kekeddangyan ni nunman ni imminghan mangkeheng-ew ni kakenna, et ida kamangkatkatey ni upa dad keltad. Ida kamenemmahemmak ni kennen dad ibbengngan ni lemek.

Ezekiel 23:42

Entanni ey kamedngel hu ngalan dakel ni lalakkin nalpuddad eleg mebebleyi. Hina-adan dan takkalang hu ngamay idan nunman ni han-agi ey impampenget daddan kayyaggud ni penget.

Micah 6:12

Mangkabunget kayun kekeddangyan niya yudda kapanhelheltap hu edum yun tuu. Emin kayun nambebley di Jerusalem ey mangkaitek kayu.

Amos 3:9

Yu pan-ehel idan wadad baley nan patul di Egypt niyad Asdod e kanyuy “Kayu kaemung idad duntug di Samaria et ang-angen yu hu endi yayaggud tun kapehpehding idan tuudman.”