Amos 5:3 - Keley-i Bible (Antipolo Ifugao)

³ Kan Apu Dios e Eta-gey ni peteg ey “Ya hakey ni et-eteng ni bebley di Israel ey um-itu-dak ni hanlibun sindalun an mekiggubbat, nem ebuh hanggatut ni mambangngad. Um-itu-dak mewan hakey ni bebley ni hanggatut, nem ebuh hampulun mambangngad.”

Amos 5:3 Referans Kwoze

Romans 9:27

Huyya impaebig Apu Dios nan Isaiah daman meippanggep idan Jews, Kantuy “Ma-nut dakel ida Jews e heniddan kadinakkel ni palnah di gilig ni baybay, nem hahhakkey ni hi-gada hu mehellakniban,

Ezekiel 12:16

Nem wadaddalli hu hahhakkey ni hi-gadan metdaan di gubat, yad bisil niyad degeh et ehelen daddallin nengikelabut ni hi-gada e lawah ni peteg impenahding da. Yan nunman ali law pengebbulutan da e hi-gak hu Ap-Apu.”

Isaiah 10:22

Anin ni dakel idan peteg hu helag Israel e heniddan kedakkel ni palnah di gilig ni baybay et hahhakkey alin hi-gada metdaan. Mebahbah idalli tutu-un Apu Dios tep humman lebbeng tun meippahding ni hi-gada.

Isaiah 6:13

Ey anin ni kantu et wadadda hahhakkey ni metdaan, et mebahbah ida damengu et henidda keyew ni nalngeh et ebuh law tunged tun wada. Nem anin ni hanniman meippahding et heniddalli etan ni tunged ni keyew ni umpingi mewan.”

Isaiah 1:9

Gullat ni eleg iebulut Apu Dios e Kabaelan tun emin ni wada hahhakkey ni metdaan di gubat, et netey idan emin hu tutu-ud Jerusalem et henin neipahding di Sodom niyad Gomorrah e nakabbahbah ida.

Deuteronomy 28:62

Et mambalin kayun hahhakkey anin ni henin kadinakkel ni bittuwen di kabunyan hu kadinakkel yu, ey mambalin kayun ekket hedin eleg yu u-unnuda hu tugun Apu Dios e Dios yu.

Deuteronomy 4:27

Et iwwahit dakeyun hi-gatud kebebbebley, et lektattuy hahhakkey metdaan ni hi-gayu.

Amos 6:9

Hedin wada hampulun metdaan di hakey ni baley, man mettey ida damengu.

Psalms 144:14

niya babakkan nampan-impah. Apu, entan anhan tu iebulut ni dakemi hehgepen idan buhul mi winu dakemi ibbebsik ni hi-gada. Ey ang-ang mu anhan et endi hu an umhulun ni an pannannangngihan idan tutu-ud keltad.

Deuteronomy 28:63

Hi Apu Dios e et-eteng ni neminhed tun hi-gayu et bendisyonan dakeyun dakel ni helag, ey mambalin ni hi-gatu memahbah ni hi-gayu et ma-kal kayudman ni bebley ni yu pambebleyan,