Acts 8:36 - Keley-i Bible (Antipolo Ifugao)

³⁶ Ida kamengmenglaw ey wada dinteng dan danum et kan etan ni iEthiopia ey “Tam adyah hu danum. Kaw dammutun pebenyaggak di deya?”

Acts 8:36 Referans Kwoze

Acts 10:47

“Ang-ang yu kedi, beken idan Jews, nem dinwat da hu Ispirituh Apu Dios henin hi-gatsu. Kaw mabalin ni e-legen hu pebenyagan da?”

John 3:23

Wada dama hi John di Aenon e neihnup di Salim e tudda kapambenyagi tuud man, tep dakel danum diman.

John 3:5

Kan Jesus ey “Dengel muwak tep makulug ni mahapul ni ya danum et ya Ispirituh Apu Dios hu mengippidwan kei-ungngaan ni tuu et han maila-kam di nan-ap-apuan Apu Dios.

1 John 5:6

Wada hu tellun pengi-ang-angan e hi Jesus Christo ey makulug ni U-ungngan Apu Dios. Ya memengngulu ey ya nampebenyagan tun danum. Ya meikkadwa ey ya kuheyaw tun immayuh eman ni neteyyan tu. Ya meikkatlu ey ya Ispirituh Apu Dios tep makulug ni emin hu tuka e-hela. Nan-uunnud ida huyyan tellun kamengippeamtan makulug ni U-ungngan Apu Dios hi Jesus.

Ezekiel 36:25

Et heni dakeyu wakgihan ni malinih ni danum et maulahan hu heni lugit yun nengidaydayawan yuddan dios ni kinapyan tuu niya emin hu hipan lugit yu.

Matthew 3:6

Nan-ehel dan hi-gatu hu liwat da et pambenyagan tudda etan di Wangwang e Jordan.

Matthew 3:11

“Immali-ak ni an memenyag ni hi-gayun danum. Huyyan pemenyagan kun hi-gayu hu immatun ni nantuttuyyuan yun liwat yu. Nem yalli etan um-alin meihhullul ni hi-gak ey hi-gatu mengidwat ni Ispirituh Apu Dios ni hi-gayu winu ya kekastiguan yud apuy. Hi-gatu ey eta-ta-gey ni peteg nem hi-gak et nakka umbaing ni tuwak pambega-en.

Acts 8:37

Kan Philip ey “Dammutun benyagan daka hedin muka kulluga hi Jesus.” Ey kan etan ni iEthiopia ey “Nakka kulluga e hi Jesus hu U-ungngan Apu Dios.”