Acts 7:52 - Keley-i Bible (Antipolo Ifugao)

⁵² Kaw wada hakey ni prophet Apu Dios ni eleg panhelheltap idan aammed yu? Pintey dadda hu intenu-dak Apu Dios ni immalin mengippeamtan ellian nan Christo e kayyaggud ni peteg. Et yan illian tu ey inhedul yu et pateyen yu.

Acts 7:52 Referans Kwoze

Matthew 5:12

Pan-am-amleng kayu ey panggagaya kayu, tep iddawtan dakeyullin Apu Dios ni panyaggudan yud kabunyan. Nemnem yu e ya kameippenahding ni hi-gayu ey neipenahding ida daman prophets ni nunman.

2 Chronicles 36:16

nem kataltalanggaiddan tutu-u humman idan prophet niya daka pihhula daka e-hela. Ey anggengi-ngi dadda et lektattuy nemahhig tu-wa law bunget Apu Dios ni hi-gada e endi dammutun an mengippesikked winu mengellubyag nunman ni bunget tu.

1 Kings 19:10

Hinumang Elijah et kantuy “Ap-Apu e Kabaelan tun emin, nanbega-en muwak ni ingganah et hi-gam ni ebuh hu nansilbian ku. Adyahhak tep ihik ida helag Israel ni memettey ni hi-gak, ey deh dedangngu e hakeyyak ni natdaan tep pintey dan emin hu prophet mu. Inwalleng da nekitbalan dan hi-gam niya binahbah da pan-appitan ni hi-gam.”

1 Thessalonians 2:15

Hi-gadan Jews hu nematey nan Apu Jesus Christo niyadda la eman prophets ni nunman, ey hi-gada nenegyun ni hi-gami. Daka pebungnget hi Apu Dios niya anggebe-hel da edum dan tuu.

Jeremiah 2:30

Nem anin ni kinastigu dakeyu et endi damengu silbitu, tep eleg mehullulan hu lawah ni elaw yu. Heni kayu etan ni anggetakkut ni layon, tep nampatey yu prophet yu.

Revelation 19:10

Nandukkunnak di hinangga tun menaydayaw ni hi-gatu, nem kantuy “Entan tuwak dayaw. Hi Apu Dios hu dayaw mu. Tep bega-en nak daman ebuh e henin hi-gam niyadda agim ni kamengu-unnud ni makulug ni impeamtan Jesus. Ya tayu kapengippeennamtain meippanggep nan Jesus Christo hu nengamtaan tayuddan mekapkapyallin hakey ni aggew.”

1 John 2:1

Kaegiegi, nakka pan-ittudek huyya ma-lat eleg kayu manliwaliwat. Nem hedin wada manliwwat ni hi-gayu, man ibega yu etan ni kaumbaddang ni hi-gatsu e hi Jesus Christo e kayyaggud ni peteg, tep hi-gatu kamengi-ehneng ni hi-gatsud kad-an Apu Dios, et pesinsahan tu hu liwat yu.

Acts 22:14

Et kantun hi-gak ey ‘Hi Apu Dios e dinaydayaw idan aammed tayun nunman ey pinili dakan mengamtan pinhed tu. Pinili dakan menang-ang etan ni intu-dak tun Limpiyuh ni peteg elaw tu, niya pinili dakan mengngel ni ehel tu. Et hi-gam law hu umlaw ni mengippeamtaddan katuutuun inang-ang mu niya dingngel mu.

Nehemiah 9:26

Nem anin ni hanniman kakinayyaggud mun hi-gada et eleg daka u-unnuden ey nginhay daka. Inwalleng da Tugun mu et pampatyen dadda prophet mun kamenghel ni hi-gadan ibbangngad dan mengu-unnud ni hi-gam ey lawah ni peteg daka pengpenghel ni hi-gam.

1 Peter 1:11

Impatna dan amtaen hedin pigan tu niya inna-nun keippahdingan tu humman ni kehellakniban, tep impeamtan Ispirituh Christo ni wadan hi-gada hu panlelehhanan alin Christo et ya keiddeyyawan tulli.

Acts 4:10

Tep pinhed kun peamtan hi-gayun emin ni helag Israel e ya nangkal ni dahuy eyan laki ey ya kabaelan Jesus Christo e iNazareth e impatak yud krus, nem sinagwan Apu Dios et mategu law.

Acts 3:24

Intuluy Peter e kantuy “Emin ida la prophets Apu Dios meippalpun Samuel ey impeamta dadda eya kamekapkapyan nunya.

Acts 3:18

Nem huyyan impahding yu hu nengipeamnuan Apu Dios ni inhel idan eman lan prophets tu e hi Christo, e mengippaptek ni tuu ey mahapul ni panlelehhanan tu.

Acts 2:23

Nem impapetey yu huyyan hi Jesus idan tuun nangkeliwtan e impatak dad krus, nem inamta dedan Apu Dios humman ni impahding yu, tep humman hu planuh tu.

Sekariah 9:9

Immehel mewan hi Apu Dios ey kantuy “Hi-gayun tutu-ud Jerusalem, pan-am-amleng kayun peteg! Itkuk yu amleng yu tep iyyalli patul yu. Hi-gatu ey kayyaggud niya kabaelan tun mengihwang. Nem inamta tun mampekumbabah, tep nantakkay di pakeetteng tun donkey.

Jeremiah 26:23

Imbangngad da hi Uriah et ilaw dan Jehoiakim e patul et papetey tu. Et ibbeng da annel tud kulung ni katuutuu.)

Jeremiah 26:15

Nem mahapul ni nemnemen yu huyya: Hedin petteyen yuwak, anin endi bahul ku, ey mebehhulan kayun emin anin idan tutu-u eyad bebley. Tep hi Apu Dios hu nanghel ni hi-gak ni e-helen ku huyyaddan inhel kun hi-gayu.”

Jeremiah 20:2

ey impadpap tuwak et peheplat tuwak et han tuwak pebangkiling da-ak etan di Eheb e Benjamin di Tempol.

1 Kings 19:14

Kan Elijah ey “Apu Dios e Kabaelan tun emin, nansilbi-ak ni hi-gam ni ingganah. Nem inwalleng idan iIsrael hu tugun mu. Nambahbah da hu pan-appitan ni hi-gam ey pintey da emin hu prophet mu. Hakeyyak law ni natdaan ey pinhed da-ak mewan ni petteyen.”

Revelation 3:7

Kantu pay ni hi-gak ey “Pantudek ka etan ni anghel idan kamengullug di Philadelphia et ehelen mu e kammuy: Huyya inhel etan ni kayyaggud ni peteg niya makulug ni Dios, niya nangnged etan ni alladdu lan David et hedin in-alladdu tu etan habyen ni dellanen, man endi tuun han-ibeghul tu. Ey hedin mewan imbeghul tu, man endi tuun han-ilekbi tu.

2 Chronicles 36:15

Ya Ap-Apu e Dios ida lan aammed da ey humman ni intu-dak tu hu prophet tun um-ehel idan tutu-u tu, tep tudda kahehmeka niya tuka ayyuhi hu Tempol tu,

Luke 6:23

Kayyaggud tu pan-am-amleng kayu hedin henin nunman hu kapehding ni tuun hi-gayu, tep wada indaddan Apu Dios ni panyaggudan yud kabunyan. Heni kayudda lan eman ni prophets Apu Dios ni impanligligat idan ammed idan kamengippelilligat ni hi-gayun nunya.

John 16:10

Ey peamta tun hi-gada e kayyaggud emin hu nakka pehding. Et ya kei-ang-angan ni kakinayyaggud ku ey ya pambangngadan kud kad-an Ama et eleg yuwak ali law ang-anga.

2 Timothy 3:4

Daka ihhehdul hu edum da, eleg da ikkaguh hu pambalinan alin daka pehpehding, daka peta-gey hu annel da niya ebuh hu pan-am-amlengan ni annel dan daka nenemnema, nem eleg da nemnema hi Apu Dios.