Acts 27:11 - Keley-i Bible (Antipolo Ifugao)

¹¹ Nem hi Julius e ap-apuddan sindalun mangguwalyaddan balud ey tuka kulluga kae-heladda etan ni kanbapor niya etan kapitan, e eleg tu kulluga hi Paul.

Acts 27:11 Referans Kwoze

Ezekiel 33:4

Ya etan tuun dedngelen tu humman ni tangguyup, nem mangngengehhay ey bahul tu ngu hedin petteyen da. Tep gullat ni hinengud tu ey dammutu et ni bimmesik et neihwang.

Hebrews 11:7

Hi Noah dama hu hakey ni indeddengel tu hu impanwarning Apu Dios ni hi-gatun mekapkapyallin hakey ni aggew tep ya tuka pengullug. Et kumapyan bapor ni nengipahgepan tuddan pamilyah tu et eleg ida malsing ni nalbengan ni bebley. Ya tuka pengullug hu nengibilangan Apu Dios ni hi-gatun kayyaggud. Ya nengu-unnudan tun inhel Apu Dios hu keang-angan tu e emin ida tuun nunman ni kawedan Noah ey neliwtan ida, tep endi daka pengullug.

Proverbs 27:12

Ya nenemneman ni tuu ey tuka iddawwi annel tu hedin wada inang-ang tun lawah ni mekapkapya. Nem hedin ya tuun endi nemnem tu, ey tuka an hipngata humman ni lawah ni meippahding ni han tu hinelheltap law hu neipahding ni hi-gatu.

Acts 27:21

Eleg kami mangamangan ni pigan aggew tep ya takut mi, et kan Paul idan edum miy “Gullat dedan ni dingngel yu hu kangku et nanha-ad itsulli nid Crete, endi et hu hanneyan an mekapkapya.

Revelation 18:17

Nem ay pinhakkeyey attukaw idan emin humman ni kinedangyan da!” Emin ida etan kamampangngunnud bapor di baybay niyadda etan wada kalga dad bapor ey eleg idalli meihehhennup.

2 Kings 6:10

Et kaum-itu-dak dama etan patul ni an menghel idan tuun nampambebley diman et mandaddan ida. Hanneya hu neipenahding.

James 3:4

Ya pay hu hakey ni kakei-elligin bungut ey ya etan ek-eket ni gumek di gepgep ni bapor e anin et-eteng etan bapor niya anin na-let hu dibdib et dammutun bengngiwen etan ni kamampellinu et palaw tud pinhed tun pengippelawwan.