Acts 2:20 - Keley-i Bible (Antipolo Ifugao)

²⁰ Me-ngetan ali aggew niya mambalin alin heni kuheyaw hu bulan et han medatngi humman ni anggetakkut ni aggew ni gintud kun penuwetan kuddan tuud puyek.

Acts 2:20 Referans Kwoze

2 Peter 3:10

Nanna-ud ni um-alilli hi Apu tayun an menuwet ni tuu. Nem eleg tayu amta hedin pigan tu ellian tu, tep henin kaelliin kamenekkew e endi nengamta. Nem ka-immatun ali kedettengan tu humman ni ellian Jesus tep medngel ali na-let ni bungug ni kabunyan ni ketellakan tu. Emin idalli etan bittuwen et ya aggew niya bulan ey mangkegihheb idan emin. Anin ya puyek niyadda etan wadadman et metellak ida.

Amos 8:9

Yan nunman alin aggew ey melinnug hu aggew ni emaggew et ma-nget ni kawwalwal. Hi-gak e Eta-gey ni peteg ni Ap-Apu hu nanghel idan nunya.

Matthew 24:29

Intu-man Jesus ni immehel et kantuy “Hedin melebbah ida humman ni aggew ni panligligatan, ey me-ngetan hu aggew niya bulan. Mangke-gah alid puyek hu bittuwen. Yan nunman ali ey endi petekkan tuddan wadad kabunyan, tep meendilli kabaelan da.

1 Thessalonians 5:2

Tep inamta yu e ya ellian Apu Jesus ni manhuwet ey henin kaelliin matekew ni hileng e endi nengamta.

Malachi 4:5

Nem dengel yu eya e-helek! Peellik ali ni hi Elijah e prophet et han medatngan etan nemahhig ni anggetakkut ni aggew ni gintud nan Apu Dios.

Joel 2:1

Patnul yu tangguyup di Zion e duntug Apu Dios ma-lat manggegeygey idan emin hu tuud Judah ni takut da, tep kamangkedettengi hu aggew ni pengastiguan Apu Dios ni tutu-u.

2 Peter 3:7

Ey tep immandal mewan Apu Dios e ya eya puyek et ya kabunyan ni tayu kaang-ang-angan nunya, ey bahbahen tullin apuy ni kedettengan ni aggew ni penuwetan niya pengastiguan tuddan tuun kamengehhing ni hi-gatu.

Luke 21:25

Wadaddalli ang-angen yud kabunyan ni eleg yu enang-angen lan nunman. Melumman ali aggew, ya bulan et yadda bittuwen. Emin ali tuud kebebbebley di puyek ey umtatakut ida niya umkenel-ew idan pengngelan dan na-let ni bungug ni dalluyun di baybay.

Mark 13:24

Hedin megibbuh idalli huyyan ligat, man me-dep ali law hu aggew niya eleg ali dama law umbenang hu bulan.

Joel 3:14

Kalibulibulli meemmung di Nandeklan ni kedettengan ni panhuwetan Apu Dios.

Revelation 16:8

Induyag etan ni neika-pat ni anghel hu duyu tud aggew ey nemahhig ni megihheb ida tuun petang.

Revelation 6:12

Entanni ey inang-ang ku e ingkal etan ni Impah ni Kalneroh etan neika-nem ni impamket da etan di papil ey pinhakkeyey nanyegyeg ni na-let. Nak i-ang-ang di aggew ey nambalin ni andeket e heni andeket ni luput. Ey nambalin etan netullikeng ni bulan ni madlang e heni kuheyaw.

Matthew 27:45

Entannit nandattek hu aggew, ey pinhakkeyey nan-enget di emin di puyek ingganah nelabah tellun olas.

Jeremiah 4:23

In-ang-ang kud kebebbebley ey nekabbahbah idan emin ey endi hu mategun natdaan anin ni hakey. Intangaw ku mewan di kabunyan ey kaman-eengnget.

Isaiah 34:8

Tep gintud Apu Dios hu aggew ni pengiblehan tun impahding idan buhul tayu. Et humman hu, apputen tudda et ihwang tu hu bebley tayun Zion.

Isaiah 24:23

Me-ngetan ali bulan niya eleg ali law umpetang hu aggew, tep mampatul ali law hi Apu Dios e Kabaelan tun emin. Hi-gatulli man-ap-apu et yallid Duntug e Zion di Jerusalem panha-adan tu, et panhin-aang-angan idan kamengipappangngulun tutu-u hu dayaw tu.

Isaiah 13:15

Yadda etan medpap ni hi-gada ey tetwiken idan buhul dadda et matey ida.

Isaiah 13:9

Medettengan ali etan aggew ni gintud Apu Dios ni pengippeang-angan tun nemahhig ni bunget tu, et bahbahen tu eya puyek et mambalin ni eleg mebebleyi. Pekibbahbah tuddallin emin hu neliwtan.

Isaiah 13:10

Eleg idalli law umheyaw hu bittuwen niya bulan. Anin alin aggew et me-ngetan.

Joel 2:31

Me-ngetan ali aggew niya umdalang ali bulan et heni kuheyaw et han medatngan humman ni anggetakkut ni aggew ni gintud kun pengastiguan kun tutu-u.

Acts 2:19

Wadalli peang-ang kud kabunyan niyad puyek ni ketngaan ni tuu. Ey wadalli ang-angen yun kuheyaw, ya apuy niya ahuk.

Acts 2:21

Et emin ali hu mambeggan baddang ni hi-gak ni nunman ni aggew ey mehellakniban.’”