Acts 19:18 - Keley-i Bible (Antipolo Ifugao)

¹⁸ Dakel law idan etan ni nengulug nan Jesus hu kameki-emmung idan edum dan kamengullug et ehlen dad kedaklan hu lawah ni elaw ni inu-unnud dan nunman.

Acts 19:18 Referans Kwoze

Romans 10:10

Tep ya kapengullug hu kapengibbillangin Apu Dios ni kayyaggud hu tuun neliwtan, niya mahapul ni peamta tud edum ni tuu humman ni nengulugan tu et keang-angan tun nehelakniban.

Matthew 3:6

Nan-ehel dan hi-gatu hu liwat da et pambenyagan tudda etan di Wangwang e Jordan.

Psalms 32:5

Entanni law et abuluten ku e nanliwattak ey nginhay daka, et ehelen kun hi-gam e nakka mantuttuyyu ey pinesinsahan mun emin hu liwat ku.

1 John 1:9

Hedin e-helen tayu hu liwat tayun Apu Dios, man makulug ni pessinsahan daitsu niya panyaggud tu hu nemnem tayu, tep meandeng tuka pehding niya kameiddinnel.

Ezekiel 36:31

Et lektattuy igugguhu yu hu annel yu hedin ninemnem yudda etan lawah ni impenahding yun nunman ni nanliwtan yu.

Ezekiel 16:63

Liwwanen kuddalli law liwat mu, nem nenemnemem idalli impenahding mun liwat mu et um-i-ineng kallin baing mu. Hi-gak e Eta-gey ni peteg ni Ap-Apu hu nanghel idan nunya.”

Jeremiah 3:13

Abulut yu e nanliwat kayun nangngehayan yuwak e Ap-Apu e Dios yu et dayawen yudda dios ni edum ni tutu-ud hengeg idan keyew. Hi-gak e Dios hu nanghel nunya.

Proverbs 28:13

Ya etan tuun eleg tu ebbuluta nambahulan tu ey endi pambalinan idan tuka ingngunungunu. Nem ya etan tuun tuka ebbuluta nambahulan tu ey kamantuttuyyu, ey hehmeken Apu Dios.

Leviticus 26:40

Nem hedin negibbuh ni hinelheltap idan tuuk hu nemahhig ni pengastiguk ni hi-gada, tep impalaw kuddad bebley idan buhul da ey lektattuy mampekumbabah ida et mantuttuyyudda et abuluten da liwat da et ya liwat idan ammed dan nangngehay ni hi-gak.

Leviticus 16:21

Ey han tu inta-pew hu dewwan ngamay tud ulun nunman ni gelding, ey e-helen tun emin hu nanliwatan idan helag Israel niya nangngehayan da, et heni tudda in-etan ni nunman ni gelding. Et pebeltan tu etan ni neputuk ni tuun mengibbukyat, ma-lat ilaw nunman ni gelding emin hu liwat idan tuu di eleg mebebleyi.

Acts 19:17

Humman ni nekapkapya ey dingngel idan Jews et yadda beken ni Jews di Ephesus, et tumekut ida ey nema-ma law ni daka idaydayaw ni peteg hi Apu Jesus.

Acts 19:19

Wadadda dakel ni magicians ni nampengi-lin libluh dan nan-adalan dan magic et giheben dad hinanggan dakel ni tuu. Ya balol idan nunman ey umlaw ni neliman libun palatah.

James 5:16

Et humman hu, ehel yu liwat yuddan edum yun kamengullug niya panhindadasal kayu, ma-lat yumaggud kayu. Ey nemnem yu e kayyaggud ni peteg hu pambalinan ni dasal ni tuun kayyaggud hu tuka pehding.