Acts 1:20 - Keley-i Bible (Antipolo Ifugao)

²⁰ Intuluy Peter ni immehel e kantuy “Wada inhel Apu Dios ni impaitudek tud libluh ni Psalms ni meippanggep nan Judas e kantuy ‘Mebe-ew alin ingganah hu baley tu tep endilli an manha-ad.’ Ya pay hakey ni neitudek ey kantuy ‘Wadalli meihhullul ni hi-gatud saad tu.’

Acts 1:20 Referans Kwoze

Psalms 69:25

Et anin ni endi an metdaan ni hi-gada niya anin ni mangkebe-ew hu baballey da, et meiwalleng hu nambebleyan da.

Acts 1:25

ni meihhullul nan Judas e nengiwelak ni kina-apostoles tu et lumaw di neiappitan tu dedan.”

Luke 24:44

Kan Jesus mewan ni hi-gaday “Kaw eggak ehelen ni hi-gayun nunman eman ni hi-gatsun emin e pakkaw um-amnu emin hu intudek Moses et ya intudek idan prophets et ya neitudek di Psalms ni meippanggep ni hi-gak?”

Luke 20:42

Tep ya inhel David di intudek tun Psalms ey kantuy: Kan Apu Dios etan ni Apuk e hi Christo ey ‘Yudung kad winannan ku ingganah apputen kuddan emin buhul mu.’

Acts 1:16

“Hi-gayun kaegiegi, immamnu tu-wangu eman inhel lan David e patul ni impeamtan Ispirituh Apu Dios ni hi-gatun meippanggep Judas e nengipenguluddan guwalyan Tempol ni mempap nan Jesus.

Leviticus 14:42

Ey hullulan da etan ida nepikwal ni batu anin idan na-kal ni kapemket ni dingding.