3 John 1:8 - Keley-i Bible (Antipolo Ifugao)

⁸ Et humman hu, mahapul ni hi-gatsun kamengullug hu umbaddang ni heniddan nunyan tuu ma-lat maibilang itsun heni tayu dama kaittenuttuddu hu makulug.

3 John 1:8 Referans Kwoze

3 John 1:10

Nem yallin ellian kudtan ey e-helen kun emin ida etan el-eleg ni tuka pehpehding heni etan ni itek ni tuka e-e-helan meippanggep ni hi-gami. Ya hakey mewan ey eleg tu hengnguhengnguda ida etan edum tayun kamengullug ni kaumhawang di ditan e bebley yu. Ey hedin wada mewan ni hi-gayu hu kamenengngud ni hi-gada, man nemahhig hu bunget tun hi-gada et eleg tudda law peki-emmung etan di yuka pandaydayawi.

Pilimon 1:24

Wadadda damadya kamekingngunnun hi-gak di ngunun Apu Dios e hi Mark, hi Alistalkus, hi Demas et hi Luke e kanday dakeyu kunu dama kanenemneman hi-gada.

Pilimon 1:2

hi Appia e agi tayun biin kamengullug et hi Arkippus e edum tayun sindalun Jesus Christo, niyadda edum tayun kamengullug ni kameemmuemmung ni kamenaydayaw nan Apu Dios ditan baley yu.

Colossians 4:11

Anin hi Joshua e hi Justus hakey ni ngadan tu et kantuy dakeyu dama kanenemnema. Huyyadda numan ni tellun Jews hu kamemabbaddang ni hi-gak ni mantuttuddun meippanggep ni nan-ap-apuan Apu Dios.

Philippians 4:3

Hi-gam e kaumbaddang ni hi-gak, baddangim ida anhan huyyan bii, tep binenaddangan da-ak numan ni hi-gada eman ni nak nantuttudduan ni meippanggep ni impahding Jesus ni panyaggudan ni tuu. Hi-gada numan ni emin di Clemente et yadda etan edum hu nekibaddang ni hi-gami. Anin ni eggak ida ngeddana et inamtak e wada ngadan dad libluh ni keittuddekan ni ngadan idan tuun meidwatan ni biyag ni endi pappeg tu.

2 Corinthians 8:23

Hi Titus hu kadkadwak ni nangngunungunun pemaddangan min hi-gayu. Ey yadda eya dewwan agi tayun mekillaw ni hi-gatu hu intu-dak idan kamengullug. Yadda tutu-un henin hi-gada hu kakeidaydayawin Jesus Christo.

2 Corinthians 6:1

Hi Apu Dios hu kaumbaddang ni hi-gamin kenayun eyad ngunu mi, et mukun kan min hi-gayu ey entan tu pakewah hu binabbal nan Apu Dios ni hi-gayu.

Luke 11:7

Ey himmumang ali e kantuy ‘Entan panukal mu. Neilekbi law hu habyen ey neugip kami. Nakka umhigan umbangun ni mengellan muka ibbaga.’

Matthew 10:40

Yadda tuun mengebbulut ni hi-gayu ey ebbuluten da-ak dama. Ey ya tuun mengebbulut ni hi-gak ey ebbuluten tu dama etan nengitu-dak ni hi-gak.

Matthew 10:14

Hedin hi-yanen yu etan bebley ni dakeyu kaihhingal, ey pukpuki yu hu dep-ul di dapan yu et penang-angan dan nanliwat ida tep ya dakeyu kapengihhingngali.

3 John 1:7

Man-am-amleng hi Apu Dios ni pemaddangan mudda tep umlaw idan an mengituttuddun meippanggep nan hi Jesus ey eleg mabalin ni da ellan hu ibbaddang idan eleg mengullug.

3 John 1:9

Nantudekkak idan kameemmuemmung ni kamengullug di bebley yun meippanggep nunya, nem kahing hi Diotrepes. Tuwak kala-pahi et pinhed tun hi-gatu meunnud.

Psalms 94:16

Hipa hu neminhed ni mengi-ehneng ni hi-gak di nak pekihhanggaan idan tutu-un lawah daka pehpehding?