3 John 1:3 - Keley-i Bible (Antipolo Ifugao)

³ Et-eteng amleng kun nengidaddattengan ida eyan edum tayun kamengullug ni dimmateng di deya ni kakinayyaggud ni biyag mun muka pengu-unnudin makulug ni kayyaggud ni elaw ni kinulug mun nunman.

3 John 1:3 Referans Kwoze

2 John 1:4

Nakka man-am-amleng ni peteg ni nengamtaan kun wadadda hu u-ungngam ni kamengu-unnud ni intugun Ametayun hi-gatsun makulug ni elaw.

2 John 1:2

Et-eteng impeminhed kun hi-gayu tep ya tayu kapengullugin ehel Apu Dios, e humman kaumbaddang ni hi-gatsun kenayun.

Psalms 119:11

Nakka nenemneman emin hu tugun mu ma-lat eggak manliwat ni hi-gam.

3 John 1:4

Tep ya kamengippeamleng ni peteg ni hi-gak ey hedin dingngel ku e emin kayun nakka ibbilang ni u-ungngak ey yuka u-unnuda eya makulug ni neitugun.

Philippians 1:4

niya nakka man-am-amleng ni peteg ni nakka pengiddasalin hi-gayu,

Acts 1:15

Ya eman ni pinhakkey ni neamungan idan kamengullug e limmaw idan hanggatut et dewampulu ey immehneng hi Peter et kantun hi-gaday

1 Corinthians 13:6

Eleg tu pan-am-amlengi hu lawah, nem ya kayyaggud hu tuka pan-amlengi.

Galatians 6:10

Et mukun nakka e-helan hi-gayu e hedin wada wayah tayun mengippahding ni kayyaggud di edum tayu, man ipahding tayu, nema-maddad edum tayun kamengullug ni neigappat di pamilyah Apu Dios.

3 John 1:2

Daka kaiddasadasali ma-lat ya kayyaggud ni emin hu mekapkapyan hi-gam niya ma-lat eleg ka mandegeh et kakkayyaggud hu annel mu henin kakinayyaggud ni muka pengullugin Jesus.

3 John 1:5

Hi-gam e agik, ey kayyaggud hu impahpahding mu, tep et-eteng baddang muddan kamantuttuddun ehel Apu Dios anin ni eleg mudda inghaan.

3 John 1:10

Nem yallin ellian kudtan ey e-helen kun emin ida etan el-eleg ni tuka pehpehding heni etan ni itek ni tuka e-e-helan meippanggep ni hi-gami. Ya hakey mewan ey eleg tu hengnguhengnguda ida etan edum tayun kamengullug ni kaumhawang di ditan e bebley yu. Ey hedin wada mewan ni hi-gayu hu kamenengngud ni hi-gada, man nemahhig hu bunget tun hi-gada et eleg tudda law peki-emmung etan di yuka pandaydayawi.