3 John 1:2 - Keley-i Bible (Antipolo Ifugao)

² Daka kaiddasadasali ma-lat ya kayyaggud ni emin hu mekapkapyan hi-gam niya ma-lat eleg ka mandegeh et kakkayyaggud hu annel mu henin kakinayyaggud ni muka pengullugin Jesus.

3 John 1:2 Referans Kwoze

2 Peter 3:18

Ya kayyaggud ey pannananeng yun mengamtan nan Jesus Christo e Apu tayun kaumhelaknib niya kenayun ni adaadal yu hu binabbal tu e humman hu tuka pemaptek ni hi-gatsu. Endi edum ni kamedeyyaw nem ebuh tu. Et humman hu, daydayaw tayun nunya et ingganah hi Jesus Christo. Amen.

1 Peter 4:8

Ya anhan memengngulun nemnemen tayu ey ya nehammad ni panhimpipinhedan tayu, et anin ni hipa humman ni nambahulan ni edum tayun hi-gatsu et pessinsahan tayudda.

2 Thessalonians 1:3

Kayyaggud hu mansalamat kamin kenayun nan Apu Dios gapuh ni hi-gayun kaegiegi, tep kamangkeihhammad law hu yuka pengullug nan Jesus niya impeminhed yun edum yu.

Philippians 2:4

Nemnem yu dama panyaggudan ni edum yun tuu, et beken ni ya panyaggudan yun ebuh hu ikakkaguh yu.

Revelation 2:9

‘Inamtak e nemahhig ligat yu niya newetwet kayu, nem ya kakulugan tu ey kedangyan kayu tep et-eteng baddang Apu Dios ni hi-gayu. Ey inamtak hu lawah ni kae-ehheladdan etan ni tuun Satanas e ida kamampahhiyyan kanday Jews ida, nem beken ida kaya tep lawah elaw da.

James 5:12

Ya hakey ni importanteh ni e-helen kun hi-gayun kaegiegi ey entan pansapatah yud kabunyan winu yad puyek niyad linggeman hedin wada issapatah yu. Nealay kanyuy “em,” hedin em, winu “eleg,” hedin eleg, ma-lat eleg dakeyu kastiguen Apu Dios.

Philippians 2:27

Makulug ni nandegeh et innang ni mettey, nem himmek Apu Dios et yumaggud. Himmek tuwak dama, tep gullat ni netey et nangkei-dum di ligat ku.

2 Thessalonians 2:13

Nem kayyaggud tu mansalamat kamin kenayun nan Apu Dios gapuh ni hi-gayun kaegiegin nakappinhed Apu Jesus, tep pinili dakeyu dedan nan Apu Dios ni mehellakniban et han mawedan emin eya wadan nunya, ma-lat peyaggud dakeyun Ispirituh tu, tep kinulug yu hu makulug ni kameituttuddu.

Matthew 9:12

Dingngel Jesus hu inhel da et kantuy “Ya kamandedgeh hu kamanheppul ni doktor, beken ida etan ni tuun endi degeh da. Heni daman hi-gak e immali-ak ma-lat peyaggud kudda neliwtan. Eggak ida baddangi tuun kamenghel ni endi liwat da. Nem hedin hi-gayu ngu, man mahapul ni amtaen yu pehding yun umhehmek tep impatudek Apu Dios e kantuy ‘Ya hemek yun edum yu hu pinhed ku, beken idan yuka i-appit.’”

3 John 1:1

Agik Geyus, nalpu huyyan tudek ni hi-gak e hakey ni kamengipappangnguluddan kamengullug. Et-eteng impeminhed kun hi-gam.